ءتورتجىلدىقتىڭ باستى جارىسى 26 شىلدەدە باستالىپ، 11 تامىزعا دەيىن جالعاسادى
شىلدە ايىندا باستالاتىن پاريج وليمپياداسىندا جۇلدەگەرلەرگە تابىستالاتىن مەدالدار ۇلگىسى كوپشىلىككە تانىستىرىلدى، دەپ حابارلايدى اlmaty-akshamy.kz.
حالىقارالىق وليمپادا كوميتەتى پاريجدە وتەتىن وليمپيادا جانە پاراوليمپيادا ويىندارىنىڭ مەدالدارىن كورسەتتى.
پاريجدەگى وليمپيادادا ۇزدىكتەرگە بەرىلەتىن مەدالداردا فرانسيانىڭ سيمۆولىنا اينالعان ەيفەل مۇناراسى بەينەلەنگەن. ۇيىمداستىرۋ كوميتەتىنىڭ ءتوراعاسى توني ەستانگەنىڭ ايتۋىنشا، بۇل مەدالداردىڭ بەينەسى ەرەكشە ءارى قايتالانباستاي ادەمى ەتىپ جاسالعان.
جالپى، 1896 جىلدان بەرى وليمپيادا ويىندارىندا التىن، كۇمىس، قولا مەدالدار جيىنتىعى بويىنشا 36 مىڭ جۇلدە ءوز يەسىن تاپقان ەكەن.
پاريج وليمپياداسى 26 شىلدەدە باستالىپ، 11 تامىزعا دەيىن جالعاسادى.
الەم مادەنيەتىنىڭ استاناسى سانالاتىن قالادا وليمپيادانى وتكىزۋ تۋرالى شەشىم 2017 جىلدىڭ قىركۇيەك ايىندا قابىلدانعان.