ەمحانا 500 كەلۋشىنى قابىلداي الادى.
سونىمەن قاتار №4 جەدەل جاردەم پودستانسياسىنىڭ عيماراتى مودەرنيزاسيالانادى، دەپ حابارلايدى Almaty-akshamy.kz
اۋدان تۇرعىندارىن ساپالى مەديسينالىق قىزمەتتەرمەن قامتۋ كولەمىن ارتتىرۋ ماقساتىندا 2024 جىلى جوسپارلانعان شارالار:
- «دۋمان» شاعىن اۋدانىندا 500 كەلۋشىنى قابىلدايتىن جاڭا ەمحانا سالۋ. جوبالاۋ-سمەتالىق قۇجاتتامانىڭ اياقتالۋى - 2024 جىلدىڭ IIء-شى توقسانى؛
- «الاتاۋ» شاعىن اۋدانىنداعى 150 كەلۋشىنى قابىلدايتىن «الاتاۋ» قالالىق اۋرۋحاناسىنىڭ عيماراتىن سەيسميكالىق كۇشەيتە وتىرىپ، رەكونسترۋكسيالاۋ. جوبالاۋ-سمەتالىق قۇجاتتامانىڭ اياقتالۋى - 2024 جىلدىڭ IIء-شى توقسانى؛
- №4 جەدەل جاردەم پودستانسياسىنىڭ عيماراتىن مودەرنيزاسيالاۋ. جوبالاۋ-سمەتالىق قۇجاتتامانىڭ اياقتالۋى - 2024 جىلدىڭ IIء-شى توقسانى.
الەۋمەتتىك ينفراقۇرىلىمدى دامىتۋ اياسىندا اعىمداعى جىلى 3 ۇيىمدا كۇردەلى جوندەۋ جوسپارلانعان: قالالىق مامانداندىرىلعان بالالار ءۇيى، جەتىم بالالارعا ارنالعان «جانۇيا» مامانداندىرىلعان كەشەنى جانە №17 جالپى ءبىلىم بەرەتىن مەكتەپ-ينتەرنات.
اكىمدىك سپورتتى دامىتۋ ماسەلەلەرىنە ەرەكشە نازار اۋدارادى. سونىمەن، «الاتاۋ» شاعىن اۋدانىندا وسى جىلى 7 اقپاندا تاۋلىگىنە 600 ادامنىڭ وتكىزۋ قابىلەتى بار دەنە شىنىقتىرۋ-ساۋىقتىرۋ كەشەنىنىڭ تەحنيكالىق ىسكە قوسىلۋى ءوتتى.