بيىل مەملەكەتتىك قولداۋعا ماقۇلدانعان وتىنىمدەر كولەمى 3 ەسەگە ارتتى.
تەك 2024 جىلدىڭ وزىندە 37 تۋريستىك نىسان مەن 6 تۋريستەر تاسىمالدايتىن اۆتوبۋسقا 2،1 ملرد تەڭگە ماقۇلداندى، دەپ حابارلايدى aqshamnews.kz ۇكىمەتتىڭ تەلەگرامم-كانالىنا سىلتەمە جاساپ.
2024 جىلدىڭ سوڭىنا دەيىن جالپى قۇنى 120،4 ملرد تەڭگەنى قۇرايتىن 119 ينۆەستيسيالىق جوبانى اياقتاۋ جوسپارلانىپ وتىر، بۇل 1 319 جۇمىس ورنىن اشۋعا مۇمكىندىك بەرەدى. نەگىزگى باستامالار قاتارىنا:
تۇركىستانداعى «Medina Palace» قوناق ءۇيىنىڭ قۇرىلىسى؛
جاڭا قوناق ءۇي نىساندارىن قوسۋ ارقىلى «اقسۋ – جاباعىلى» شيپاجايىن جاڭعىرتۋ كىرەدى.
گلەمپينگ الاڭدارى مەن قوناق ۇيلەرىن قۇرۋ ارقىلى 10 مىڭ اۋىل تۇرعىنىن قوسىمشا جۇمىسپەن قامتاماسىز ەتەتىن اگروتۋريزمدى دامىتۋعا ەرەكشە كوڭىل بولىنۋدە. ۇلتتىق پاركتەر اۋماقتارىنداعى ينفراقۇرىلىمدى دامىتۋعا ارنالعان قوناقۇيلەردى جىكتەۋ جۇيەسىن جاڭارتۋ جانە جەرگىلىكتى اتقارۋشى ورگاندار وكىلەتتىكتەرىن كەڭەيتۋ جوسپارلانىپ وتىر.