قازاقستاندا تۇرىكمەنستاننىڭ مادەني كۇندەرى وتەدى
بۇل تۋرالى ەلىمىزدەگى تۇرىكمەنستان رەسپۋبليكاسىنىڭ توتەنشە جانە وكىلەتتى ەلشىسى باتىر رەدجەپوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر پرەزيدەنتى قاسىم-جومارت توقايەۆتىڭ تۇرىكمەنستانعا مەملەكەتتىك ساپارى بارىسىندا مەملەكەتتەر باسشىلارى قازاقستاندا تۇرىكمەنستاننىڭ مادەني كۇندەرىن اتاپ ءوتۋ تۋرالى كەلىستى. ەكى ەل اراسىندا اۋقىمدى مادەني شارانىڭ وتكىزىلمەگەنىنە 3 جىلدان اسىپ بارادى. ەل پرەزيدەنتتەرىنىڭ رەسمي كەزدەسۋىنەن كەيىن ءوزارا بايلانىس قايتا سەرپىن الدى. بۇگىندە ءبىز تۇرىكمەنستاننىڭ مادەني كۇندەرىن اتاپ ءوتۋ ماقساتىندا ق ر مادەنيەت جانە سپورت مينيسترلىگىمەن بىرلەسكەن جۇمىس ىستەپ جاتىرمىز»، - دەدى باتىر رەدجەپوۆ.
ەلشىنىڭ ايتۋىنشا، اتالعان مادەني شارانى وتكىزۋ كەلەسى جىلعا جوسپارلانىپ وتىر.
«سونداي-اق، مادەني شارالاردان بولەك، ەكىجاقتى ساۋدا-ەكونوميكالىق قاتىناستا بىرىزگە قويىلعان. ولاردىڭ اراسىندا ىنتىماقتاستىق تۋرالى دوستىق قاتىناستار تۋرالى شارت بار. ودان بولەك، تۇرىكمەنستان رەسپۋبليكاسىنىڭ پرەزيدەنتى گۋربانگۋلى بەردىمۇحامەدوۆتىڭ 2017 جىلى قازاقستانعا جاساعان مەملەكەتتىك ساپارى شەڭبەرىندە قول قويىلعان ستراتەگيالىق ارىپتەستىك تۋرالى شارت ءوز كۇشىندە»، - دەيدى ول.
بۇعان دەيىن تۇرىكمەن ديپلوماتى اتالعان ەلدىڭ بەيتاراپتىق ساياساتىنا قاتىستى تۇسىنىك بەرىپ ءوتتى. ايتا كەتسەك، بۇگىن نۇر-سۇلتان قالاسىندا قازاقستان مەن تۇرىكمەنستان اراسىنداعى دوستىق قارىم-قاتىناس تاقىرىبىندا باق-قا ارنالعان باسپا ءسوز ءماسليحاتى ءوتتى.