قارتايۋدى تەجەۋگە بولادى
ادامنىڭ ماي تىنىندەگى ەسكى ديسفۋنكسيالىق جاسۋشالاردى جويۋ 2 ءتيپتى قانت ديابەتىنىڭ بەلگىلەرىن ازايتادى. كوننەكتيكۋت ۋنيۆەرسيتەتى ماماندارىنىڭ Cell Metabolism جۋرنالىندا جاريالاعان زەرتتەۋ ناتيجەلەرى ءارتۇرلى مەتابوليكالىق اۋرۋلاردى ەمدەۋدىڭ جاڭا ادىستەرىن جاساۋعا كومەكتەسەدى. عىلىمي جۇمىس تۋرالى قىسقاشا MedicalXpress-تەگى باسپا ءسوز حابارلاماسىندا سيپاتتالعان، دەپ حابارلايدى Almaty-akshamy.kz ءتىلشىسى Lenta.ru-عا سىلتەمە جاساپ.
اعزاداعى جاسۋشالار (كلەتكالار) ۇنەمى جاڭارىپ وتىرادى، الايدا بۇل مەحنيزم كەيدە ساتسىزدىككە ۇشىرايدى. ناتيجەسىندە تىندەردە قارتايۋشى نەمەسە سەنەسەنتتى جاسۋشالار جينالىپ، دەفەكتتى سيگنالدى مولەكۋلالار ءبولىپ، ءوزىنىڭ اينالاسىنا اسەر ەتەدى. سونىڭ سالدارىنان ونى قورشاپ تۇرعان كلەتكالار قورەكتىك زاتتاردى، مىسالى، قانتتى ناشار ءسىڭىرىپ، ديابەتكە دەيىنگى جاعدايدى تۋدىرادى.
عالىمدار تاجىريبەلىك پرەپاراتتار: دازاتينيب پەن كۆەرسيتين كومبيناسياسىن جاساپ، سىناقتان وتكىزىپ كوردى. دازاتينب پەن كۆەرسيتيننىڭ كارى تىشقانداردىڭ ءومىر ءسۇرۋ ۇزاقتىعىن ارتتىرىپ، دەنساۋلىقتارىن جاقسارتاتىنى دالەلدەنگەن. الىنعان مالىمەتتەرگە سايكەس، بۇل پرەپاراتتار ادامنىڭ ماي تىنىندەگى ءقارتايۋشى جاسۋشالارمەن كۇرەسە الادى. مايلى ءتىن كلەتكالارى تىشقاندارعا دا ەنگىزىلگەن، الايدا ولاردا مەتبوليزمدىك بۇزىلىستار تۋىنداعان. ءبىراق ولاردى دەزاتينيب جانە كۆەرسيتينمەن ەمدەگەننەن كەيىنمايلى ءتىننىڭ زياندى اسەرى جويىلعان.
زەرتتەۋشىلەر سونىمەن قاتار سيكلينگە تاۋەلدى كينازا ينگيبيتورى جانە جاسۋشالىق قارتايۋدىڭ نەگىزگى ماركەرلەرىنىڭ ءبىرى بولىپ تابىلاتىن p21 جوعارى دەڭگەيىن بىلدىرەتىن قارتايۋ جاسۋشالارىنىڭ بۇرىن زەرتتەلمەگەن پوپۋلياسياسىن تالدادى. قارتايۋ جاسۋشالارىن ايىنا ءبىر رەت تازارتۋ قانت ديابەتىنىڭ دامۋىن باسەڭدەتۋ ءۇشىن دە، سەمىز تىشقانداردا پايدا بولعان ديابەت بەلگىلەرىن جەڭىلدەتۋ ءۇشىن دە ءتيىمدى ەكەندىگى انىقتالدى.