الماتىدا Pfizer ۆاكسيناسىن الۋعا نيەت بىلدىرۋشىلەر سانى ارتۋدا
بۇل تۋرالى №7 ەمحانانىڭ باس دارىگەرىنىڭ ورىنباسارى نۇربول جۇمابەكوۆ بريفينگ بارىسىندا ايتتى، دەپ حابارلايدى Almaty-akshamy.kz سoronavirus2020.kz-كە سىلتەمە جاساپ
سپيكەردىڭ سوزىنشە، الماتىدا كۇن سايىن 132 ۆاكسيناسيا پۋنكتى، ونىڭ ىشىندە №7 قالالىق ەمحانانىڭ ەكپە سالۋ بولمەسى جۇمىس ىستەيدى.
«ءبىز ۆاكسينالاۋدىڭ جاقسى قارقىنىنا جەتتىك. جالپى، جاسوسپىرىمدەردىڭ، جۇكتى ايەلدەر مەن بالا ەمىزەتىن انالاردىڭ بەلسەندىلىگى قۋانتادى. ناۋقان باستالعاننان بەرى ءبىزدىڭ ەمحانادا 324 ادام ەكپە الدى، ونىڭ ىشىندە 11 جۇكتى ايەل، 31 بالا ەمىزەتىن انا 282 ءجاسوسپىرىم بار. ءبىز «كوميرناتي» Pfizer پرەپاراتىنىڭ تيىمدىلىگى 95%-دى قۇرايتىنىن ايتىپ وتىرمىز»، - دەدى نۇربول جۇمابەكوۆ.
سونىمەن قاتار، ول الماتىنىڭ بوستاندىق اۋدانىنا بارلىعى Pfizer وندىرگەن ۆاكسينانىڭ 2 016 دوزاسى بولىنگەنىن، ءقازىردىڭ وزىندە 1 386 ادام ەگىلگەنىن ايتتى.
«ءاربىر ەگۋ پۋنكتىندە قاۋىپسىزدىكتىڭ قاتاڭ نورمالارى، اتاپ ايتقاندا تەمپەراتۋرالىق رەجيم ساقتالادى. ۆاكسينا العان كەزدە ءبىرىنشى كەزەكتە پاسيەنتتى تەكسەرۋ جۇزەگە اسىرىلادى، ونىڭ بارىسىندا انامنەز الىنادى. سونداي-اق، دارىگەرلەر وتكەن اۋرۋلار تۋرالى سۇرايدى.تەمپەراتۋرانى، قىسىمدى ولشەۋ، جۇتقىنشاقتى تەكسەرۋ تىكەلەي جۇرگىزىلەدى. سونىمەن قاتار، دارىگەرلەر ۆاكسينالانعان ادامعا نەمەسە ونىڭ اتا-اناسىنا ساۋالناما جۇرگىزەدى. ال جۇكتى ايەلدەردى ۆاكسيناسيالاۋ كەزىندە مەرزىمدەردى بەلگىلەۋ قاجەت»،- دەيدى دارىگەر.
سپيكەر «كوميرناتيدىڭ» ءبىر قۇتىسى 6 ادامعا ەسەپتەلگەنىن جانە التى ساعاتتان اسپاۋ كەرەك ەكەنىن ەسكە سالدى. نۇربول جۇمابەكوۆ ۆاكسيناسياعا تىركەۋ ورنى ارقىلى الدىن الا جازىلۋعا كەڭەس بەردى. №7 ەمحانانىڭ باس دارىگەرىنىڭ ورىنباسارى ۆاكسينالاۋ ناۋقانى باستالعاننان بەرى ۆاكسينالانعانداردىڭ اراسىندا 1-2 كۇن ىشىندە ينەكسيا ورنىندا تەمپەراتۋرانىڭ شامالى كوتەرىلۋى مەن اۋىرسىنۋدى قوسپاعاندا، ەلەۋلى جاناما اسەرلەر بايقالماعانىن ايتتى.
«ينەكسيا سالىنعان جەرگە ءۇش كۇن بويى سۋ تيگىزۋگە جانە فيزيكالىق بەلسەندىلىك تانىتۋعا، ۆانناعا تۇسۋگە بولمايدى. ەگەر جايسىز سەزىنۋ بايقالسا ءوز دارىگەرىڭىزگە نەمەسە ەكپە سالعان دارىگەرگە حابارلاسقان ءجون»،- دەيدى ول.