قازاقستاندا تۇرعان ايەل نەپالداعى ۇشاق اپاتىنان قازا تاپتى

33 جاستاعى ەلەنا بوندۋرو بىرنەشە اي بۇرىن قازاقستانعا كوشىپ كەلگەن.

نەپالداعى ۇشاق اپاتىنان قازا تاپقانداردىڭ اراسىندا قازاقستاندا تۇرعان رەسەي ازاماتى بولدى، دەپ حابارلايدى Almaty-akshamy.kz كتك ارناسىنا سىلتەمە جاساپ.

15 قاڭتاردا Yeti Airlines اۋە كومپانياسىنىڭ ATR 72 جولاۋشىلار ۇشاعى كاتماندۋ قالاسىنان پوكحارۋعا ۇشىپ شىققان. ال قونايىن دەپ جاتقاندا اپاتقا ۇشىراعان. بورتتا بولعان بارلىق جولاۋشى مەن ەكيپاج مۇشەسى قازا تاپتى. جولاۋشىلاردىڭ اراسىندا نەپال، ءۇندىستان، ۇلىبريتانيا، فرانسيا مەن ارگەنتينا ازاماتتارى بولدى. رەسەيدىڭ ءتورت ازاماتى قايتىس بولدى. بىرەۋى سوڭعى ۋاقىتتا قازاقستاندا تۇرعان.

«كومسومولسكايا پراۆدا» گازەتىنىڭ مالىمەتىنە سايكەس، 33 جاستاعى ەلەنا بوندۋرو ماسكەۋ قالاسىندا تۇرعان. بىرنەشە اي بۇرىن قازاقستانعا كوشىپ كەلگەن. ەلەنا تريەۆەل-بلوگەر بولدى. قىزمەتى – SMM-مامان. قاشىقتان جۇمىس ىستەگەن. سونداي-اق قىزمەت بابىمەن شەتەلگە ءجيى شىعىپ جۇرگەن.

سول كۇنى ەلەنا نەپالدا جۇرگەن كۇيەۋى ماكسيمگە بارا جاتقان. تراگەدياعا دەيىن تۋىستارىنا اياعى اۋىر ەكەنىن ايتىپتى.