حقو-دا ماماندار كەڭەسى ۇسىنىلادى
23 قاڭتاردان باستاپ ەلىمىزگە شەتەلدەن جەتكىزىلگەن اۆتوكولىكتەردى زاڭداستىرۋ ناۋقانى باستالادى. وسى ورايدا كولىك يەلەرىنە مامانداندىرىلعان حالىققا قىزمەت كورسەتۋ ورتالىقتارىندا ىشكى ىستەر مينيسترلىگى اكىمشىلىك پوليسيا كوميتەتىنىڭ جانە قارجى مينيسترلىگى مەملەكەتتىك كىرىستەر كوميتەتىنىڭ ماماندارى كەڭەس بەرەدى، دەپ حابارلايدى قازاقپارات ءتىلشىسى.
«شەتەلدىك كولىكتى زاڭداستىرۋ ءۇشىن ءوتىنىشتى «ەلەكتروندىق ۇكىمەت» پورتالى ارقىلى نەمەسە مامانداندىرىلعان حالىققا قىزمەت كورسەتۋ ورتالىعىنا بارىپ بەرۋگە بولادى. ول ءۇشىن قىزمەت كورسەتۋ ورتالىقتارىندا ارنايى سەكتور ۇيىمداستىرىلادى. ياعني ول جەردە تەك شەتەلدىك اۆتوموبيلدەردى زاڭداستىرۋ ءوتىنىشى مەن قۇجاتتار قابىلدانادى»، - دەدى استانا قالاسى پوليسيا دەپارتامەنتى اكىمشىلىك پوليسيا باسقارماسىنىڭ باستىعى ەلجان چۋپەكوۆ باسپا ءسوز ءماسليحاتىندا.
سونداي-اق ونىڭ ايتۋىنشا، اۆتوحقو-دا اكىمشىلىك پوليسيا قىزمەتكەرى دە بولادى.
«اكىمشىلىك پوليسەي قاجەت جاعدايدا شەتەلدىك كولىكتى زاڭداستىرۋدىڭ ءتارتىبى مەن ەرەجەسىن تۇسىندىرەدى. ودان بولەك مەملەكەتتىك كىرىستەر ورگانىنىڭ قىزمەتكەرى بولادى. اتالعان مامان كەدەندىك تولەمدەرگە قاتىستى ساۋالدارعا جاۋاپ بەرەدى»، - دەيدى سپيكەر.