قازاقستاندا بالىق شارۋاشىلىعى سۋ ايدىندارىن قاراۋسىز قالعان بالىق اۋلاۋ اۋلارىنان تازارتۋعا، جاعالاۋ اۋماقتارىن تازارتۋعا جانە ازاماتتاردىڭ سۋ رەسۋرستارىن ۇقىپتى قاراۋىن قالىپتاستىرۋعا باعىتتالعان جىل سايىنعى «تازا سۋ ايدىندارى» تابيعات قورعاۋ اكسياسى باستالدى، دەپ حابارلايدى aqshamnews.kz.
بالىق شارۋاشىلىعى كوميتەتى ءتوراعاسىنىڭ بۇيرىعىنا سايكەس اكسيا وڭىرلەردىڭ كليماتتىق ەرەكشەلىكتەرىن ەسكەرە وتىرىپ، ەكى كەزەڭدە وتەدى:
- ناۋرىزدان مامىرعا دەيىن – جەتىسۋ، تۇركىستان، قىزىلوردا، ماڭعىستاۋ، اتىراۋ، باتىس قازاقستان، الماتى جانە جامبىل وبلىستارىندا.
- 15 ساۋىردەن 31 مامىرعا دەيىن – ۇلىتاۋ، اقمولا، شىعىس قازاقستان، قاراعاندى، قوستاناي، اقتوبە، پاۆلودار، سولتۇستىك قازاقستان جانە اباي وبلىستارىندا.
اكسياعا تۇرعىلىقتى جەرى بويىنشا ءتيىستى بالىق شارۋاشىلىعى ينسپەكسياسىنا جۇگىنۋ ارقىلى كەز كەلگەن ادام قاتىسا الادى.