قازاقستاندا جالپىۇلتتىق ناۋرىزناما ونكۇندىگى اياسىندا ۇلتتىق كيىم كۇنى اتاپ وتىلەدى. ۇلتتىق كيىم – حالقىمىزدىڭ مادەنيەتى مەن تاريحىنىڭ اجىراماس بولىگى، قازاق حالقىنىڭ باي ءداستۇرى مەن قۇندىلىقتارىنىڭ جارقىن كورىنىسى. ەل پرەزيدەنتى قاسىم-جومارت توقايەۆ ۇلتتىق قۇرىلتايدىڭ IV وتىرىسىندا «ۇلتتىق كيىم بۇل – ءبىزدىڭ بىرەگەي ۇلتتىق بولمىسىمىزدىڭ ماڭىزدى كورىنىسى»، دەپ ەرەكشە اتاپ ءوتتى.
مەملەكەت باسشىسىنىڭ باستاماسىن قولداۋ ماقساتىندا «AMANAT» پارتياسىنىڭ قىزمەتكەرلەرى جىل سايىن 18 ناۋرىزدا ۇلتتىق كيىم كيىپ قانا قويماي، ءار جۇما سايىن جۇمىسقا ۇلتتىق كيىممەن كەلۋدى يگى داستۇرگە اينالدىردى. ولار تۋىستارىن، كورشىلەرىن جانە دوستارىن وسى باستامانى قولداۋعا شاقىرىپ، ۇلتتىق مادەنيەتتى كۇندەلىكتى ومىردە ناسيحاتتاۋعا ۇلەس قوسۋدا.
«AMANAT» پارتياسى ۇلتتىق قۇندىلىقتارىمىزدى، ءداستۇرىمىزدى جانە تاريحىمىزدى جۇيەلى تۇردە دارىپتەپ كەلەدى. پارتيانىڭ ساياسي تۇعىرناماسىندا جازىلعانداي، ساياسي ۇيىم ۇلتتىق مادەنيەتتى، ونەردى جانە سپورتتى دامىتۋعا جان-جاقتى اتسالىسۋدا. پارتيانىڭ قولداۋىمەن ۇلتتىق سپورت تۇرلەرىن جانە مادەني قۇندىلىقتاردى ناسيحاتتاۋعا باعىتتالعان ءىس-شارالار وتكىزىلەدى.
ماسەلەن، «AMANAT» پارتياسىنىڭ قولداۋىمەن ءداستۇرلى ات سپورتىنىڭ جاندانۋىنا جانە كەڭىنەن ناسيحاتتالۋىنا ىقپال ەتەتىن «ۇلى دالا جورىعى» بايگە-مارافونى ۇيىمداستىرىلدى. سونىمەن قاتار، پارتيانىڭ تىكەلەي قاتىسۋىمەن جىل سايىن ۇلتتىق سپورت سالاسىنداعى جەتىستىكتەردى ىنتالاندىرۋعا باعىتتالعان «التىن تۇعىر» سىيلىعى وتكىزىلەدى. حالىق اۋىز ادەبيەتىن ساقتاۋ جانە دامىتۋ ماقساتىندا تۇراقتى تۇردە وڭىرلىك جانە رەسپۋبليكالىق دەڭگەيدە اقىندار ايتىسى ۇيىمداستىرىلادى.
«جاستار رۋحى» جاستار قاناتى وسكەلەڭ ۇرپاقتى ۇلتتىق ءداستۇرىمىزدى ساقتاۋ جانە ناسيحاتتاۋ جوبالارىنا بەلسەندى تۇردە تارتىپ، ۇلتتىق بىرەگەيلىكتى نىعايتۋعا باعىتتالعان مادەني جانە سپورتتىق ءىس-شارالار ۇيىمداستىرادى.