اۋىزاشار بەرۋگە رۇقسات ەتىلدى.
ورازا - ايلاردىڭ سۇلتانى. دۇعا-تىلەكتەردىڭ قابىل بولىپ، ساۋاپتىڭ ەسەلەنەتىن ۋاقىتى. وسىلاي دەگەن الماتى قالاسىنىڭ باس يمامى تولەبي وسپان بارشا مۇسىلمان جۇرتىن قۇتتىقتاپ، رامازاندا نيەت ەتىپ، ورازا ۇستايتىن جاماعاتقا قاجەتتى مالىمەتتەردى ءبولىستى، دەپ حابارلايدى Almaty-akshamy.kz Almaty.tv سىلتەمە جاساپ.
باس يمامنىڭ ايتۋىنشا، قازاقستان مۇسىلماندار ءدىني باسقارماسىنىڭ شەشىمىمەن، بيىلعى ورازادا تاراۋيح نامازىن جاماعاتپەن وقۋعا جانە كوپتىڭ باسىن قوسىپ، اۋىزاشار بەرۋگە رۇقسات ەتىلدى.
«بۇگىن ەكى جىلدىق ۇزىلىستەن كەيىن جاماعات تاراۋيح نامازىنا قايتا ساپ تۇزەيىن دەپ وتىر. بۇل ءساتتى مۇسىلماندار اسىعا كۇتىپ وتىر. اماندىق بەرسە، بۇگىن كەشكە قازاقستاننىڭ بۇكىل مەشىتىندە تاراۋيح نامازى باستالادى. بۇل – رامازان ايىنا عانا ءتان ناماز. ودان بولەك، اۋىزاشار بەرۋگە نيەتتى كىسىلەر قانشاما مۇسىلمان جاماعاتىنا داستارحان جاياتىن بولادى»، – دەدى الماتى قالاسىنىڭ باس يمامى تولەبي وسپان.