قازاقستاندا تۋريزم سالاسى قالپىنا كەلۋدە.
وعان ستاتيستيكا كورسەتكىشى دالەل. ماسەلەن، بىلتىر ەلىمىزدە 7 ميلليونعا جۋىق ادام دەمالعان. بۇل 2020 جىلمەن سالىستىرعاندا 35%-كە جانە كوۆيدكە دەيىنگى 2019 جىلدان 5%-كە جوعارى، دەپ حابارلايدى Almaty-akshamy.kz
بۇل دەرەكتەردى «Kazakh Tourism» ۇلتتىق كومپانياسىنىڭ باسپا ءسوز قىزمەتى حابارلاعان.
بۇل رەتتە ەڭ جوعارى كورسەتكىش ەرەكشە قورعالاتىن تابيعي اۋماقتارعا بارعان ەكوتۋريستەر اراسىندا تىركەلگەن، ولاردىڭ سانى ءبىر جارىم ميلليونعا جۋىق قازاقستاندىقتى قۇرايدى. كۋرورتتار مەن باسقا دا دەمالىس ورىندارى كورسەتكەن قىزمەت كولەمى 109 ملرد تەڭگەنى نەمەسە كوروناۆيرۋس پاندەمياسىنا دەيىنگى كەزەڭنىڭ 90 پروسەنتىن قۇرادى.
مامانداردىڭ ايتۋىنشا، شەتەلدىك تۋريستەردىڭ اراسىندا دا ءوسىم بايقالادى. بىلتىر ەلىمىزگە 330 مىڭ شەتەلدىك تۋريست كەلگەن، بۇل 2020 جىلمەن سالىستىرعاندا 31%-كە ارتىق. سونىمەن قاتار، تەك وسى جىلدىڭ باسىنان باستاپ 74 مەملەكەتپەن ۆيزاسىز رەجيم قايتا جاڭعىرتىلعانى اتاپ ءوتىلدى.
- سىرتتان كەلۋ بويىنشا تۋريزم تەك 2024 جىلى عانا تولىق قالپىنا كەلەدى، - دەيدى ساراپشىلار.