2025 جىلى قازاقستاندا العاش رەت تاقتاتاس مۇنايىن ءوندىرۋ باستالادى دەپ كۇتىلۋدە. «قارا التىنعا» دەگەن الەمدىك سۇرانىستىڭ ارتۋى بۇل جوبانىڭ جوعارى كوممەرسيالىق الەۋەتكە يە ەكەنىن كورسەتىپ وتىر. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ مالىمدەدى، دەپ حابارلايدى aqshamnews.kz
– «تاقتاتاس مۇنايىن ءوندىرۋ ەلىمىزدىڭ مۇناي-گاز سەكتورىنا ينۆەستيسيالار تارتۋ ءۇشىن قوسىمشا سەرپىن بەرەدى»، – دەدى پرەمەر-مينيستر.
سونىمەن قاتار، بيىل شيكىزات قورى شامامەن 19 ملرد م³ گازدى قۇرايتىن «باتىس پرورۆا» جانە «بارحاننايا» كەن ورىندارىندا گاز ءوندىرۋ جۇمىستارى باستالماق. بۇل جاڭا جوبالار ەنەرگەتيكالىق سەكتورداعى مۇمكىندىكتەردى كەڭەيتىپ، ەل ەكونوميكاسىن ءارتاراپتاندىرۋعا ىقپال ەتپەك.
قازاقستانداعى تاقتاتاس مۇنايىن ءوندىرۋ جانە جاڭا گاز كەن ورىندارىن يگەرۋ باستامالارى ەلدىڭ ەنەرگەتيكالىق الەۋەتىن ارتتىرىپ قانا قويماي، ينۆەستيسيالىق تارتىمدىلىعىن دا جوعارىلاتادى.