قازاقستان ۇكىمەتى بيۋدجەتتىك قاراجاتتى ءتيىمدى پايدالانۋعا جانە قارجىلىق ءتارتىپتى نىعايتۋعا باعىتتالعان شارالار قابىلدادى. وسى شارالاردىڭ ناتيجەسىندە مەملەكەتتىك اپپارات شىعىستارى 410 ميلليارد تەڭگەگە قىسقارتىلدى، دەپ حابارلايدى aqshamnews.kz
الەۋمەتتىك سالانى سيفرلاندىرۋ ارقىلى بيۋدجەتتى يگەرۋدە اشىقتىق قامتاماسىز ەتىلىپ، قاراجاتتىڭ ءتيىمدى جۇمسالۋى باقىلاۋعا الىندى. مىسالى، بالاباقشالاردى قارجىلاندىرۋدا ايقىندىق ورناتۋ ماقساتىندا تاراز، شىمكەنت، تۇركىستان جانە ورال قالالارىندا مەكتەپكە دەيىنگى ءبىلىم بەرۋدىڭ ۆاۋچەرلىك جۇيەسى پيلوتتىق نەگىزدە ىسكە قوسىلدى. بۇل جوبا ناتيجەسىندە 20 ميلليارد تەڭگە ۇنەمدەلدى. جىل سوڭىنا دەيىن ۆاۋچەرلىك جۇيەنى ەلدىڭ بارلىق وڭىرىندە ەنگىزۋ جوسپارلانۋدا.
- سونىمەن قاتار، «الەۋمەتتىك ءاميان» ارقىلى اتاۋلى مەملەكەتتىك قولداۋدى كۇشەيتۋ قولعا الىندى. بۇل قۇرال بالالاردىڭ تاماقتانۋى مەن مۇقتاج جاندارعا ارنالعان دارى-دارمەك تولەمدەرىن قامتاماسىز ەتۋدە ماڭىزدى ءرول اتقارۋدا.
- يميدجدىك ءىس-شارالار مەن ءىسساپار تولەمدەرى سياقتى اعىمداعى شىعىنداردى قىسقارتۋ دا بيۋدجەتتىڭ ۇنەمدەلۋىنە ايتارلىقتاي ۇلەس قوستى.
بۇل شارالار مەملەكەت شىعىندارىن وڭتايلاندىرىپ، بيۋدجەتتىك ءتارتىپتى نىعايتۋعا باعىتتالعان ماڭىزدى قادام بولىپ تابىلادى.