پرەمەر-مينيستردىڭ ورىنباسارى قانات بوزىمبايەۆ ۇكىمەت وتىرىسىندا سۋ تاسقىنىنان زارداپ شەككەن وتباسىلار ءۇشىن تۇرعىن ءۇي قۇرىلىسى بۇرىن-سوڭدى بولماعان قىسقا مەرزىمدە جۇرگىزىلگەنىن حابارلادى. 3،5-4 ايدا ۇلگىلىك جوبالار بويىنشا 2 576 ءۇي سالىندى جانە قايتالاما نارىقتا 5767 ءۇي مەن پاتەر ساتىپ الىندى.
«بۇل جۇمىس اتىراۋ، اقتوبە، قوستاناي جانە سولتۇستىك قازاقستان وبلىستارىندا تولىعىمەن اياقتالدى. بۇگىنگى تاڭدا اقمولا وبلىسىندا 38 جانە باتىس قازاقستان وبلىسىندا 28 ءۇيدىڭ قۇرىلىسى اياقتالۋدا. تاپسىرۋ مەرزىمى – 1 قازان. بقو سىرىم اۋدانىندا جەر استى سۋلارىنىڭ كوتەرىلۋى ناتيجەسىندە 38 سامان ءۇي جارامسىز بولىپ قالدى. بۇل فاكت تامىز ايىنىڭ سوڭىندا انىقتالدى. وسىعان بايلانىستى 15 قازاندا تۇرعىندارعا قوسىمشا ءۇي سالۋ تۋرالى شەشىم قابىلداندى»، — دەدى قانات بوزىمبايەۆ.
سۋ تاسقىنى ناتيجەسىندە قازاقستاندا ازاماتتاردىڭ جالعىز باسپاناسى بولىپ سانالاتىن 17،6 مىڭعا جۋىق ءۇي مەن ساياجاي قۇرىلىستارى سۋ استىندا قالدى. تەكسەرۋ ناتيجەسىندە 9 156 ءۇي جوندەۋگە جاتقىزىلدى، 8 447 ءۇي اپاتتى دەپ تانىلدى.