سينوپتيكتەر 27 قىركۇيەك، جۇماعا ارنالعان اۋا رايى بولجامىن ۇسىندى.
سولتۇستىك-باتىس انتيسيكلون سىلەمى ق ر كوپ بولىگىندە سالقىن، نەگىزىنەن جاۋىن-شاشىنسىز اۋا-رايىن شارتتايدى. تەك ەلدىڭ وڭتۇستىگىندە، وڭتۇستىك-شىعىسىندا اتموسفەرالىق فرونتالدى بولىمدەردىڭ اسەرىنەن نايزاعايمەن جاڭبىر جاۋادى، تۇندە وڭتۇستىك-شىعىستىڭ تاۋلى ايماقتارىندا جاۋىن – شاشىن جاۋىپ، كەي كەزدەردە قاتتى جاۋىن-شاشىن جاۋادى (جاڭبىر، قار). رەسپۋبليكا بويىنشا جەل كۇشەيىپ، تۇنگى جانە تاڭەرتەڭگى ساعاتتاردا تۇمان بولادى.
باتىس قازاقستان وبلىسىنىڭ سولتۇستىگىندە تۇندە 2 گرادۋس ۇسىك كۇتىلەدى.
اقتوبە، قاراعاندى، ۇلىتاۋ، جەتىسۋ، باتىس قازاقستان، قىزىلوردا، جامبىل، شىعىس قازاقستان، قوستاناي، اباي، ماڭعىستاۋ وبلىستارىندا ءورت ءقاۋپى جوعارى بولادى دەپ كۇتىلەدى.