ۇكىمەت وتىرىسىندا پرەمەر-مينيستردىڭ ورىنباسارى قانات بوزىمبايەۆ سۋ تاسقىنىنان زارداپ شەككەن 34 مىڭنان استام وتباسى جالپى سوماسى 12،6 ملرد تەڭگەگە 100 اەك مولشەرىندە ءبىرجولعى تولەم العانىن حابارلادى.
ۆيسە-پرەمەر 2024 جىلعى سۋ تاسقىنى 120 مىڭنان استام ادامنىڭ ومىرىنە اسەر ەتكەنىن اتاپ ءوتتى. مەملەكەت تاراپىنان زارداپ شەككەندەرگە بارلىق قاجەتتى كومەك كورسەتىلدى – باسپاناسىز قالعاندار ءۇشىن ەۆاكۋاسيالىق پۋنكتتەر ۇيىمداستىرىلدى، 34 مىڭنان استام وتباسى جالپى سوماسى 12،6 ملرد تەڭگەگە 100 اەك مولشەرىندە ءبىرجولعى تولەم الدى. سونىمەن قاتار زارداپ شەككەن 21 880 وتباسى ءۇشىن جالپى سوماسى 10 ملرد تەڭگەگە 150 اەك مولشەرىندە كەلتىرىلگەن ماتەريالدىق زالال وتەلدى.
سۋ تاسقىنى سالدارىنان شاعىن جانە ورتا بيزنەس سۋبەكتىلەرىنە كەلتىرىلگەن مۇلىك شىعىندارىنىڭ وتەماقىسى رەتىندە ماقۇلدانعان 615 ءوتىنىش بويىنشا 10،2 ملرد تەڭگەدەن استام قاراجات تولەندى. شاعىن جانە ورتا بيزنەستىڭ شىعىندارىن وتەۋ جونىندەگى ەرەجەنىڭ كۇشى 2025 جىلدىڭ ساۋىرىنە دەيىن ۇزارتىلادى. بۇدان باسقا، اوك سۋبەكتىلەرىنە كەلتىرىلگەن زالالدى وتەۋ ءۇشىن شامامەن 3،15 ملرد تەڭگە ءبولىندى.