قازاقستاندا سۋ تاسقىنىنا قارسى ءىس-شارالار جالعاسىپ جاتىر

اعىمداعى تاۋلىكتە وڭىرلەردە تۇرعىن ۇيلەردى سۋ باسۋعا جول بەرىلگەن جوق.

قازاقستاننىڭ توتەنشە جاعدايلار جونىندەگى ماماندارى سۋ تاسقىنىنا قارسى شارالاردى جۇزەگە اسىرىپ جاتىر، دەپ حابارلايدى Almaty-akshamy.kz.

«قازىرگى ۋاقىتتا اقمولا جانە اقتوبە وبلىستارىنداعى وبلىستىق ماڭىزى بار جولداردىڭ 4 ۋچاسكەسىندە، قاراعاندى، اقمولا، اقتوبە، قوستاناي وبلىستارىنداعى جەرگىلىكتى ماڭىزى بار اۆتوجولداردىڭ 11 ۋچاسكەسىندە، اقتوبە وبلىسىنىڭ جەرگىلىكتى ماڭىزى بار ۋچاسكەسىندەگى ءبىر كوپىردە سۋ تاسقىنى بولىپ جاتىر»، - دەلىنگەن توتەنشە جاعدايلار مينيسترلىگىنىڭ باسپا ءسوز قىزمەتىنىڭ حابارلاماسىندا.

اقمولا، اقتوبە، قاراعاندى وبلىستارىندا، نۇر-سۇلتان قالاسىندا جەرگىلىكتى اتقارۋشى ورگاندار مەن تجم كۇشتەرىمەن اۋلا اۋماقتارى مەن كوشەلەردەن 126،6 مىڭ تەكشە مەتر ەرىگەن قار سۋى سورىلدى. اقمولا، شىعىس قازاقستان، اقتوبە، قاراعاندى وبلىستارىندا ينەرتتى ماتەريالدارى بار 4 895 قاپ توسەلدى.

جۇمىستارعا تجم، ءىىم، جەرگىلىكتى اتقارۋشى ورگانداردان، ۇكىمەتتىك ەمەس ۇيىمداردان 657 ادام، 156 بىرلىك تەحنيكا، 74 سۋ سورۋ قۇرالى جانە 5 ءجۇزۋ قۇرالى جۇمىلدىرىلدى.

اقمولا جانە شىعىس قازاقستان وبلىستارىندا سۋ تاسقىنىنا قارسى ءىس-شارالارعا (قاپتار توسەۋ، توپىراق ءۇيىپ بەكىتىلگەن جەرلەردى نىعايتۋ، ەرىگەن قار سۋىن سورۋ) تجم 52859 جانە 68303 اسكەري بولىمدەرىنىڭ 55 ادامى مەن 6 بىرلىك تەحنيكاسى تارتىلدى.