ديماش قۇدايبەرگەن گەرمانيادا جانكۇيەرلەرىمەن كەزدەستى

ءساۋىردىڭ 9 كۇنى ديماشتىڭ ديۋسسەلدورف قالاسىندا كونسەرتى وتەدى.

ديۋسسەلدورف اۋەجايىندا ديماشتى ونىڭ شىعارماشىلىعىنىڭ جانكۇيەرلەرى جىلى قارسى الدى، دەپ حابارلايدى Almaty-akshamy.kz ءانشىنىڭ رەسمي سايتىنا سىلتەمە جاساپ. 

ەرلەر مەن ايەلدەر، جاس، ەرەسەكتەر مەن بالالار – بۇگىن كوپتەگەن جانكۇيەرلەر گەرمانياعا العاشقى جەكە كونسەرتىن وتكىزۋگە كەلگەن سۇيىكتى ءانشىنى قارسى الۋ ءۇشىن جينالدى. 

ءارتىس كەلگەنگە دەيىن جانكۇيەرلەر اۋەجايدا جينالىپ ءوز اسەرلەرىمەن الماستى، ديماشتىڭ سۇيىكتى اندەرىن تالقىلادى.

چيلي، ارگەنتينا، گەرمانيا، ۇلىبريتانيا، ارگەنتينا، اۆستراليا، جاڭا زەلانديا، برازيليا، يسپانيا، نيدەرلاندى، كولۋمبيا، نورۆەگيا جانە باسقا ەلدەردىڭ وكىلدەرى ءوز تىلدەرىندە سۇيىكتى ءارتىستى قۋانا قارسى الدى. 

«سالەمەتسىز بە؟»، «راقمەت سىزگە!» دەگەن ءارتۇرلى ەلدەردىڭ جانكۇيەرلەرىنىڭ قازاق تىلىندەگى سوزدەرى ەرەكشە اسەرلى ەستىلدى. 

ديماش جانكۇيەرلەرگە قولداۋ كورسەتكەندەرى ءۇشىن ءۇشىن العىسىن ءبىلدىردى، جاقىندا قالىپتاسقان ءداستۇر بويىنشا جاس جانكۇيەرمەن سىيلىقتار الماستى، بىرنەشە قولتاڭبا بەردى. 

ەسكە سالايىق، 9 ساۋىردە ديۋسسەلدورفتىڭ «ISS Dome» ستاديونىندا ديماشتىڭ «ARNAU» تۋرى اياسىندا العاشقى كونسەرتى وتەدى. 

ءارتىس ءوزىنىڭ كونسەرتتىك تۋرىنىڭ جاڭارتىلعان باعدارلاماسىن ۇسىنۋ ءۇشىن Dears-پەن كەزدەسۋدى اسىعا كۇتەدى.