وسى جىلدىڭ التى ايىندا وتاندىق اۆتوكولىك ءوندىرىسى ۇشتەن بىرگە ارتتى.
بۇل - جالپى قۇنى 507 ملرد تەڭگەدەن اساتىن 51،5 مىڭنان استام اۆتوكولىك. اتالعان ساننىڭ نەگىزگى بولىگىن، ياعني 47 مىڭعا جۋىعىن جەڭىل اۆتوكولىكتەر قۇراپ وتىر، ال قالعان ءتورت مىڭعا جۋىعى – جۇك كولىگى. بۇگىنگى تاڭدا ولار نەگىزىنەن قوستاناي زاۋىتىندا شىعارىلادى، دەپ حابارلايدى Almaty-akshamy.kz.
بيىل مۇندا ءوندىرىس كولەمى 33،5 پروسەنتكە ءوسىپ، شامامەن 32 مىڭ اۆتوكولىككە جەتتى. ال الماتى زاۋىتىندا ەكى ەسە از وندىرىلەدى. وتاندىق اۆتوونەركاسىپتىڭ قالعان بولىگى سەمەي مەن كوكشەتاۋداعى زاۋىتتاردىڭ ۇلەسىنە تيەسىلى.
قازاقستان اۆتوبيزنەس قاۋىمداستىعىنىڭ مالىمەتىنشە، بۇگىندە وتانداستار اراسىندا وڭتۇستىك كورەيا، امەريكا، رەسەي جانە جۇڭگو ماركالارىنىڭ كولىكتەرى تانىمال. ال ەلىمىزدەن وزبەكستان، رەسەي، بەلارۋس، قىرعىزستان سياقتى ەلدەرگە تاسىمالدانادى. ايتا كەتەتىنى، بيىل ەكسپورت بىردەن 23 پايىزعا ارتقان.