تەمەكى ونىمدەرىنىڭ اينالىمى سايكەستەندىرۋ قۇرالدارى بولعان كەزدە عانا مۇمكىن بولادى
تەمەكى ونىمدەرىن سيفرلىق تاڭبالاۋ 2022 جىلدىڭ 1 قاڭتارىنان باستاپ جۇرگىزىلىپ كەلەدى، دەپ حابارلايدى Almaty-akshamy.kz.
ق ر قم مەملەكەتتىك كىرىستەر كوميتەتىنىڭ حابارلاۋىنشا، قاعاز اكسيزدىك ماركالاردىڭ كۇشىن جويۋعا بايلانىستى 2022 جىلعى 1 قاڭتاردان باستاپ تەمەكى ونىمدەرى تەك سايكەستەندىرۋ قۇرالدارىمەن تاڭبالاناتىنى بەلگىلى.
قازاقستان رەسپۋبليكاسى ۇكىمەتىنىڭ قاۋلىسىمەن مىندەتتى تاڭبالاۋعا جاتاتىن تەمەكى ونىمدەرى تۇرلەرىنىڭ ناقتى تىزبەسى (سيگارەتتەر، سيگاريللالار، سيگارالار، ستيكتەر، كاليان تەمەكىسى جانە ت.ب.) بەكىتىلدى.
قازاقستان رەسپۋبليكاسىنىڭ زاڭناماسىنا سايكەس، تەمەكى ونىمدەرىنىڭ اينالىمى سايكەستەندىرۋ قۇرالدارى بولعان كەزدە عانا مۇمكىن بولادى.
سونداي-اق، مەملەكەتتىك كىرىستەر كوميتەتىندە ەندى تەمەكى ونىمدەرىنىڭ بارلىق تۇرلەرىندە سيفرلىق تاڭبالاۋدىڭ (سايكەستەندىرۋ قۇرالدارىنىڭ) بولماعانى ءۇشىن مەملەكەتتىك كىرىستەر ورگاندارى تەمەكى ونىمدەرىن تاركىلەي وتىرىپ، اكىمشىلىك جاۋاپكەرشىلىككە تارتىلاتىنىن ەسكە سالدى.
مەملەكەتتىك كىرىستەر كوميتەتى سيفرلى تاڭبا بولماعان جاعدايدا قانداي ايىپپۇلدار قاراستىرىلاتىنىن دا ايتتى:
تولىسىلعان شاراپ، سىرا قايناتۋ ءونىمىن، ەسەپكە الۋ-باقىلاۋ ماركالارىمەن جانە تەمەكى ونىمدەرىن سايكەستەندىرۋ قۇرالدارىمەن قوسپاعاندا، الكوگول ءونىمىن تاڭبالاۋ (قايتا تاڭبالاۋ) قاعيدالارىن بۇزۋ
تولىسىلعان شاراپ، سىرا قايناتۋ ءونىمىن، ەسەپكە الۋ-باقىلاۋ ماركالارىمەن جانە تەمەكى ونىمدەرىن سايكەستەندىرۋ قۇرالدارىمەن قوسپاعاندا، ءوندىرۋشىنىڭ نەمەسە يمپورتتاۋشىنىڭ الكوگول ءونىمىن تاڭبالاۋ (قايتا تاڭبالاۋ) قاعيدالارىن بۇزۋى – قۇقىق بۇزۋشىلىقتىڭ تىكەلەي نىساناسى بولعان اكسيزدەلەتىن تاۋارلار تاركىلەنە وتىرىپ، سونداي-اق ليسەنزيادان ايىرا وتىرىپ، ورتا كاسىپكەرلىك سۋبەكتىلەرىنە – 200، ءىرى كاسىپكەرلىك سۋبەكتىلەرىنە 500 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
اكسيزدەلەتىن ءونىمدى سايكەستەندىرۋ قۇرالدارىنسىز جانە (نەمەسە) ەسەپكە الۋ-باقىلاۋ تاڭبالارىنسىز، سول سياقتى بەلگىلەنبەگەن ۇلگىدەگى جانە (نەمەسە) سايكەستەندىرۋگە كەلمەيتىن تاڭبالارمەن جانە سايكەستەندىرۋ قۇرالدارىمەن ساقتاۋ، وتكىزۋ جانە (نەمەسە) تاسىمالداۋ تۇرىندە جاسالعان، سايكەستەندىرۋ قۇرالدارىمەن جانە (نەمەسە) ەسەپكە الۋ-باقىلاۋ تاڭبالارىمەن تاڭبالانۋعا جاتاتىن اكسيزدەلەتىن تاۋارلاردىڭ اينالىمى، – قۇقىق بۇزۋشىلىقتىڭ تىكەلەي نىساناسى بولعان اكسيزدەلەتىن تاۋارلار تاركىلەنە وتىرىپ، سونداي-اق ليسەنزيادان ايىرا وتىرىپ، جەكە تۇلعالارعا – 50، شاعىن كاسىپكەرلىك سۋبەكتىلەرىنە – 150، ورتا كاسىپكەرلىك سۋبەكتىلەرىنە – 200، ءىرى كاسىپكەرلىك سۋبەكتىلەرىنە – 500 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
جىل باسىنان باستاپ (2022 جىلدىڭ 10 تامىزىنداعى جاعداي بويىنشا) قازاقستان رەسپۋبليكاسىنىڭ اۋماعىنا كونتراباندالىق جولمەن اكەلىنىپ، ساتىلماقشى بولعان تەمەكى ونىمدەرىنىڭ 22،5 ملن قورابى انىقتالىپ، تاركىلەنگەن.