جول-كولىك وقيعاسىنىڭ ۆيدەوسى الەۋمەتتىك جەلىلەردە پايدا بولدى
بۇگىن قاراعاندى قالاسىنىڭ پريشاحتينسك اۋدانىندا قوعامدىق كولىك پەن جەڭىل اۆتوكولىك سوقتىعىسىپ قالدى. جول-كولىك وقيعاسى سالدارىنان اۆتوبۋس بالالار ەمحاناسىنىڭ قورشاۋىن بۇزىپ ءوتىپ، جاياۋ كەتىپ بارا جاتقان ايەلدى باسىپ كەتە جازداعان، ، دەپ حابارلايدى Almaty-akshamy.kz.
«11 تامىز كۇنى ساعات 9:00-دە قاراعاندىدا 23-ىقشام اۋداننان 22-ىقشام اۋدان جاققا قاراي كەلە جاتقان جەڭىل اۆتوكولىكتىڭ 26 جاستاعى جۇرگىزۋشىسى قارسى قوزعالىس جولاعىنا شىعىپ كەتىپ، جولاۋشىلار اۆتوبۋسىمەن سوقتىعىسقان. جول-كولىك وقيعاسى سالدارىنان اۆتوبۋس مەديسينالىق مەكەمەنىڭ قورشاۋىن بۇزىپ ءوتتى. بۇل كولىك قۇرالىنىڭ سالونىندا ءۇش جولاۋشى بولعان. ولاردىڭ ءبىرىنىڭ قولى جاراقاتتاندى، وعان مەديسينالىق كومەك كورسەتىلدى»، – دەپ حابارلادى قاراعاندى وبلىسى پد باسپا ءسوز قىزمەتىنەن.
جول-كولىك وقيعاسىنىڭ ۆيدەوسى الەۋمەتتىك جەلىلەردە پايدا بولدى. وندا قاتتى جىلدامدىقپەن كەلە جاتقان جەڭىل اۆتوكولىك قارسى جولاققا شىعىپ كەتىپ، جولاۋشىلار اۆتوبۋسىمەن سوقتىعىسقانىن كورۋگە بولادى. الدىن الا مالىمەتتەر بويىنشا جەڭىل كولىك جۇرگىزۋشىسى رولگە يە بولا الماي قالعان.
سونداي-اق، ۆيدەودان وقيعا بولعانعا دەيىن بىرنەشە سەكۋند بۇرىن بالالار ەمحاناسىنىڭ اۋماعىندا ءبىر ايەلدىڭ ءوتىپ بارا جاتقانىن كورۋگە بولادى. ونى اۆتوبۋس قاعىپ كەتۋى مۇمكىن ەدى. ايەل امان.
قازىرگى ۋاقىتتا ءتارتىپ ساقشىلارى جول-كولىك وقيعاسىنىڭ ءمان-جايىن انىقتاپ جاتىر. ءتيىستى ساراپتامالار تاعايىندالدى، ولاردىڭ ناتيجەسى بويىنشا ءىس جۇرگىزۋ شەشىمى قابىلدانادى.
پوسموترەت ەتۋ پۋبليكاسيۋ ۆ Instagram