جىلىنا 80 مىڭداي پەداگوگ بىلىكتىلىگىن ارتتىرادى
ەلىمىزدە مۇعالىمدەردىڭ بىلىكتىلىگىن ارتتىرۋدا جاڭا ءتاسىل ەنگىزىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
جاڭاشىلدىقتى ۇكىمەت وتىرىسىندا وقۋ-اعارتۋ ءمينيسترى اسحات ايماعامبەتوۆ حابارلاعان بولاتىن. ەندى پەداگوگتار 5 جىلدىڭ ورنىنا 3 جىلدا بىلىكتىلىك ارتتىرۋ كۋرسىنان وتپەك.
«نەگىزىنەن زاڭ تالابىنا كەلەر بولساق پەداگوگ مارتەبەسى جانە ءبىلىم بەرۋ زاڭىنا سايكەس پەداگوگتار بىزدە 3 جىلدا ءبىر رەت بىلىكتىلىكتى ارتتىرۋ كۋرسىنان ءوتۋى مىندەتتى. ۇزدىكسىز ءبىلىم بەرۋ نەمەسە بىلىكتىلىكتى ارتتىرۋ فيلوسوفياسىنا نەگىزدەيمىز. ءبىزدىڭ كۋرستار جۇيەلەۋ نەمەسە جالپى كومەك بەرۋ ولاردى سۇراقتارى بولسا تۇسىنىكتەمە بەرۋ تۇرعىسىنان وتە پايدالى»، – دەدى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ دەپارتامەنت ديرەكتورى ەرجان تىلەۋبەرگەنوۆ.
كوپتەگەن وقۋ ورىندارى وسى كۋرستاردان ءوتۋ سەرتيفيكاتتارىن بەرۋدى تالاپ ەتەدى جانە ولارسىز جۇمىسقا قابىلدامايتىن كورىنەدى.
«ءبىزدىڭ كۋستارعا مەكتەپتە جۇمىس ىستەيتىن پەداگوگتار عانا قاتىسا الادى. سەبەبى، ءبىلىم باسقارماسىنان كەلەتىن تىزىمدە ول ادام جۇمىس ىستەۋى قاجەت. ەندى جۇمىسقا تۇرۋى كەزىندە بىلىكتىلىكتى ارتتىرۋ كۋرسىنان سەرتيفيكاتى قاجەت پە؟ جوق، ءبعم-نىڭ 57-بۇيرىعىندا ونداي تالاپ كورسەتىلمەگەن. ءبىراق باسقا سالاعا كەتىپ، قايتا ءبىلىمىمدى جاڭعىرتقىم كەلەدى دەگەن ادامدار بولسا، اقىلى كۋرستارعا ءوز قاراجاتىنان وقىسا بولادى. وعان تيىم سالىنباعان»، – دەدى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ دەپارتامەنت ديرەكتورى ەرجان تىلەۋبەرگەنوۆ.
ەرجان تىلەۋبەرگەنوۆتىڭ ايتۋىنشا، جىل سايىن 80 مىڭداي پەداگوگ بىلىكتىلىگىن ارتتىرادى.
«جىل سايىن ورتا شامامەن 80 مىڭداي پەداگوگ بىلىكتىلىگىن ارتتىرادى. وسى 80 000 ىشىنە مەكتەپكە دەيىنگى، ورتا ءبىلىم بەرۋ ۇيىمدارى جانە باسقا بۋىندار بار. ءبىز ءقازىر 12 پاننەن كۋرس ءوتىپ جاتىر. ونى ۇزدىك وقىتۋشىلار دايارلاپ جاتىر. ەندى بۇل كۋرستار مۇعالىمدەرگە قىزىقتى ءارى پايدالى بولادى دەپ سەنەمىز. مۇعالىمدەر ءوز پانىنە پاندىك ارىپتەستەرىمەن بىلىكتىلىگىن ارتتىرۋدى وتە پايدالى دەپ ەسەپتەيدى جانە ونى راستايتىن حالىقارالىق زەرتتەۋ بار»، – دەدى ەرجان تىلەۋبەرگەنوۆ.