وسى اپتادا وڭىرلەرگە ججم جەتكىزۋ كەستەسىن بەكىتۋ جوسپارلانۋدا.
جەرگىلىكتى بيلىك وكىلدەرى الداعى ۋاقىتتا فەرمەرلەرگە 43،6 مىڭ توننا جەڭىلدەتىلگەن جانار-جاعارمايدىڭ جەتكىزىلۋىن قاداعالايتىن بولادى. ولارعا مۇنداي تاپسىرمانى ۇكىمەت باسشىسىنىڭ ورىنباسارى رومان سكليار بەردى، دەپ حابارلايدى Almaty-akshamy.kz.
««قازاقستان تەمىر جولى» ۇك» اق 2021 جىلدىڭ 31 شىلدەسىنە دەيىن ءشوپ تاسىمالداۋ ءۇشىن رەسپۋبليكانىڭ بارلىق اۋماعىندا ۋاقىتشا جەڭىلدىكتەر ۇسىندى. تاسىمالداۋ قۇنى 77%-عا تومەندەتىلدى. بۇل شارا باتىس وڭىرلەرگە قوسىمشا مال ازىعىن جىلدام جەتكىزۋگە مۇمكىندىك بەرەدى»، - دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاماسىندا.
شاعىن جانە ورتا فەرمەرلىك شارۋاشىلىقتاردا جەم-شوپ ءوندىرىسىن ىنتالاندىرۋ ماقساتىندا فەرمەرلەرگە جەم-شوپ دايىنداۋ تەحنيكاسى مەن سۋارۋدىڭ ۇتقىر جۇيەلەرىن ساتىپ الۋ ءۇشىن «بايتەرەك» حولدينگىنە قوسىمشا قارجىلاندىرۋدىڭ تەتىكتەرىن ازىرلەۋ تاپسىرىلدى.
وڭىرلەردىڭ اكىمدىكتەرىنە مال ازىعى باعاسىنىڭ قولجەتىمدى بولۋىن تۇراقتى باقىلاۋ جانە اۋىل شارۋاشىلىعى وندىرۋشىلەرىمەن جانە قۇراما جەم كاسىپورىندارىمەن جەمدى قولجەتىمدى باعامەن ساتۋ تۋرالى مەموراندۋم جاساسۋ تاپسىرىلدى.