بۇل ادامدارعا ۆاكسينانى ۇيدە قابىلداۋعا مۇمكىندىك بەرەدى.
الداعى ۋاقىتتا يزرايل مەملەكەتى كاپسۋلا تۇرىندەگى ۆاكسينانى سىناقتان وتكىزەدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
ۆاكسينالانباعان 24 ەرىكتىگە جۇرگىزىلەتىن زەرتتەۋ جۇمىستارى 6 اپتاعا سوزىلادى. سىناققا قاتىسۋشىلاردىڭ ءبىر بولىگى ءبىر كاپسۋلانى، ال باسقالارى پرەپاراتتىڭ ەكى دوزاسىن قابىلدايدى.
Oramed Pharmaceuticals كومپانياسىنىڭ باس ديرەكتورى ناداۆ كيدروننىڭ ايتۋىنشا، ىشۋگە ارنالعان جاڭا ۆاكسينا كوروناۆيرۋستىڭ ءارتۇرلى شتامدارىنا ءتوزىمدى، ويتكەنى ول ۆيرۋستىڭ ءۇش قۇرىلىمدىق اقۋىزىنا باعىتتالعان.
ونىڭ ەڭ باستى ارتىقشىلىعى - ۆاكسينا تاسىمالداۋ مەن ساقتاۋدىڭ ەرەكشە جاعدايلارىن قاجەت ەتپەيدى. بۇل ادامدارعا ۆاكسينانى ۇيدە قابىلداۋعا مۇمكىندىك بەرەدى.