الماتى وبلىسىنىڭ اكىمى يمامداردى قابىلدادى.
23 شىلدە الماتى وبلىسىنىڭ اكىمى اماندىق باتالوۆ قازاقستان مۇسىلماندار ءدىني باسقارماسىنىڭ وكىلدەرىن قابىلدادى، دەپ حابارلايدى Almaty-akshamy.kz.
قمدب-نىڭ تالدىقورعان ءوڭىرى بويىنشا وكىل يمامى، تالدىقورعان قالاسىنىڭ ورتالىق «يمان» مەشىتىنىڭ باس يمامى ارداق ورازبايەۆتىڭ باسقا قىزمەتكە اۋىسۋىنا بايلانىستى وڭىرگە جاڭا وكىل يمام بولىپ الماس داناعۇلوۆ تاعايىندالعان بولاتىن. وسىعان وراي قمبد-نىڭ رەسمي وكىلى نۇربەك ەسماعانبەتوۆ وبلىس اكىمىنە بۇرىنعى جانە قازىرگى وكىل يمامدى باستاپ كەلگەن.
«الماتى وبلىسى - ۇلكەن ايماق. ەكى ميلليوننان استام تۇرعىنى بار. ءبىز ءۇشىن ەڭ باستى بايلىق – حالىقتىڭ بىرلىگى، تىنىشتىعى. بۇگىنگە دەيىن ءبىز قمدب-نىڭ تالدىقورعان ءوڭىرى بويىنشا وكىل يمامى ارداق ورازبايەۆپەن بىرلەسىپ جۇمىس جاسادىق. قانشاما يگى ىستەر اتقارىلدى. مۇنداي جۇمىستاردى ءبىز الداعى ۋاقىتتا دا جالعاستىرامىز»، - دەدى اماندىق باتالوۆ.
جەتىسۋدىڭ بۇرىنعى اكىمى ارداق ورازبايەۆ كەزدەسۋ بارىسىندا قايىرىمدىلىق شارالارى بويىنشا الماتى وبلىسى الدىڭعى قاتاردا ەكەنىن ايتتى.
«ماسەلەن، «ەل ۇلەسى - پاتەرگە» جوباسىنىڭ اياسىندا رەسپۋبليكا بويىنشا مۇقتاجدارعا بارلىعى 737 باسپانا الىپ بەرىلسە، سونىڭ 78ء-ى وسى الماتى وبلىسىندا جۇزەگە اسىرىلدى. بۇل - ەلىمىز بويىنشا ەڭ ۇلكەن كورسەتكىش. ايماقتاعى وكىلدەرىمىزدىڭ وزدەرىڭىزبەن بىرلەسىپ اتقارعان ەلەۋلى جۇمىستارى ءالى دە جەمىسىن بەرەدى دەپ ويلايمىن»،– دەي كەلە، ارداق ورازبايەۆتىڭ «ۋاقىپ» قورىنىڭ پرەزيدەنتى لاۋازىمىنا تاعايىندالعانىن ايتتى.
ونىڭ ايتۋىنشا، ءوڭىردىڭ وكىل يمامى قىزمەتىن ەندى الماس داناعۇلوۆ اتقارادى.
«الماتى وبلىسىندا 476 مۇسىلمان مەشىتى بار. ولاردا 578 يمام جۇمىس ىستەيدى. اتاپ وتسەك، جەرگىلىكتى بيۋدجەت ەسەبىنەن تەولوگيا ماماندىعىنا جىل سايىن 10 ءبىلىم گرانتى بولىنەدى»،– دەلىنگەن الماتى وبلىسىنىڭ اكىمدىگى باسپا ءسوز قىزمەتىنىڭ حابارلاماسىندا.