ەرمەك مارجىقپايەۆ زاماناۋي كوشپەندىلەر ءۇشىن ۆيزا ەنگىزۋ جوسپارىمەن تانىستىردى، دەپ حابارلايدى Almaty-akshamy.kz
مينيستر سيفرلاندىرۋ جانە ۆيزا الۋ راسىمدەرىن جەڭىلدەتۋ ارقىلى ۆيزالىق جانە كوشى-قون رەجيمىن جاقسارتۋ قاجەت ەكەنىن اتاپ ءوتتى.
"مۇددەلى مەملەكەتتىك ورگاندارمەن بىرلەسە وتىرىپ، شەتەلدىك ازاماتتارعا ەلدە ۇزاق مەرزىمدى بولۋ قۇقىعىن بەرەتىن قازىرگى زامانعى كوشپەندى ۆيزانى، جۇمىس اتاۋى - Neo Nomad Visa ەنگىزۋ ماسەلەسى قاراستىرىلۋدا. بۇل شارانى جۇزەگە اسىرۋدان كۇتىلەتىن ەكونوميكالىق ناتيجە جىل سايىن 3 ميلليارد تەڭگەدەن اسادى. قازىرگى ۋاقىتتا Neo Nomad Visa جۇيەسىن ەنگىزۋ تەتىگى ازىرلەنىپ، مۇددەلى مەملەكەتتىك ورگاندارعا جىبەرىلدى"، - دەدى ول.
ءمينيستردىڭ مالىمەتىنشە، 2023 جىلى قازاقستانعا 9،2 ميلليون شەتەل ازاماتى كەلگەن، بۇل 2022 جىلعى كورسەتكىشتەن ەكى ەسە كوپ. ەل ىشىندە 9،6 ميلليوننان استام قازاقستاندىق ساياحاتتاعان. بۇل كورسەتكىش 2022 جىلدان 1 ميلليون ادامعا اسىپ وتىر.