بۇگىنگى تاڭدا مەكتەپ وقۋلىقتارىن سيفرلىق فورماتقا كوشىرۋ پروسەسى 100%-عا ورىندالدى.
بارلىق وقۋ ماتەريالدارى مەملەكەتتىك ساراپتامادان ءساتتى ءوتىپ، وقۋ-ادىستەمەلىك كەشەندەر تىزىمىنە ەنگىزىلدى. سيفرلىق وقۋلىقتار ەلدىڭ 13 باسپاسى ۇسىنعان 11 پلاتفورمادا ازىرلەنۋدە، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«وقىتۋدىڭ يننوۆاسيالىق ادىستەرىن ەنگىزۋ ءۇشىن پەداگوگتەرگە ارنالعان ادىستەمەلىك ۇسىنىمدار ازىرلەندى. مۇعالىمدەر ونلاين-رەسۋرستارمەن جۇمىس ىستەۋ داعدىلارىن ارتتىرا وتىرىپ، ساباقتاردا سيفرلىق تەحنولوگيالاردى، ونلاين-كوممۋنيكاسيالاردى بەلسەندى پايدالانادى»، - دەپ اتاپ ءوتتى ق ر وقۋ-اعارتۋ مينيسترلىگى ءبىلىم ساپاسىن قامتاماسىز ەتۋ كوميتەتى ءتوراعاسىنىڭ ورىنباسارى مايرا مەلدەبەكوۆا.
سونىمەن قاتار روبوتوتەحنيكا، STEM، حيميا، فيزيكا جانە بيولوگيا بويىنشا 1345 زاماناۋي كابينەت اشۋ جۇمىستارى جالعاسۋدا. بيىلعى جىلدىڭ سوڭىنا دەيىن ەلىمىزدىڭ 20 وڭىرىندەگى 1072 مەكتەپ زاماناۋي كابينەتتەرمەن جابدىقتالاتىن بولادى.