كۆوتا 16%-عا قىسقارىپ، 23 560 بىرلىككە دەيىن ازايدى.
قازاقستان ۇكىمەتى شەتەلدەن كەلەتىن ماماندارعا بولىنەتىن كۆوتا كولەمىن قىسقارتتى، دەپ حابارلايدى Almaty-akshamy.kz.
«قازاقستان ەڭبەك جانە حالىقتى الەۋمەتتىك قورعاۋ مينيسترلىگى مەملەكەت باسشىسىنىڭ اعىمداعى جىلعى قاڭتاردا ءىرى وتاندىق بيزنەس وكىلدەرىمەن كەزدەسۋ قورىتىندىسى بويىنشا بەرگەن تاپسىرماسىن ورىنداۋ ءۇشىن شەتەلدىك جۇمىس كۇشىن تارتۋعا ارنالعان كۆوتانى 16%-عا، ياعني 23 560 بىرلىككە دەيىن قىسقارتتى»، - دەلىنگەن مينيسترلىكتىڭ باسپا ءسوز قىزمەتىنىڭ حابارلاماسىندا.
بۇل تاپسىرمانى ورىنداۋ ەلىمىزدە تاپشىلىعى سەزىلەتىن ارنايى ماماندىق يەلەرى مەن بەيىندى مامانداردان باسقا كاسىپتەردىڭ بارلىق ساناتتارىنا قاتىستى.
«كۆوتانى ءبولۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2022 جىلعى 18 قاڭتارداعى №17 بۇيرىعىنا وزگەرىس ەنگىزۋ تۋرالى» بۇيرىق اعىمداعى جىلعى 4 اقپاندا قابىلداندى. وعان سايكەس، جەرگىلىكتى اتقارۋشى ورگاندار ءۇشىن رەسپۋبليكا اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋعا ارنالعان 2022 جىلعا ارنالعان كۆوتا 28 352-دەن 23 560 بىرلىككە دەيىن، ياعني 4 792 بىرلىككە (16%) قىسقارتىلدى.
ناتيجەسىندە 2022 جىلى شجك تارتۋعا كۆوتا مىناداي تۇردە 4 ساناتقا ءبولىندى: ءبىرىنشى سانات بويىنشا 1 243 رۇقسات (باسشىلار جانە ولاردىڭ ورىنباسارلارى)، ەكىنشى سانات بويىنشا 6 499 رۇقسات (قۇرىلىمدىق بولىمشەلەردىڭ باسشىلارى). رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 11 110 جانە 2 396 بىرلىك. سونداي-اق ماۋسىمدىق جۇمىستارعا 2 312 ادام تارتىلۋى مۇمكىن.
2022 جىلعى 1 اقپانداعى جاعداي بويىنشا، جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا 14 932 شەتەلدىك ازامات ەڭبەك قىزمەتىن جۇزەگە اسىردى.
ەستەرىڭىزگە سالا كەتسەك، 2021 جىلى جەرگىلىكتى اتقارۋشى ورگاندار 18،2 مىڭ بىرلىك مولشەرىندە شجك تارتۋ ءۇشىن جۇمىس بەرۋشىلەرگە رۇقساتتار بەردى جانە ۇزارتتى. بۇل بەلگىلەنگەن كۆوتانىڭ 64%-ىن (29،3 مىڭ) قۇرادى.