قازاقستاننىڭ ءۇش وڭىرىندەگى قىمباتشىلىق 30%-دان اسقان.
بۇل سالادا باعانىڭ ايرىقشا قىمباتتاۋى ەكىنشى جىل قاتارىنان بايقالىپ وتىر، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
ءبىر ليتر كۇنباعىس مايىن قازاقستاندىقتار ورتاشا ەسەپپەن 769 تەڭگەگە ساتىپ الۋعا ءماجبۇر. بيىلعى جىلدىڭ قاڭتار ايىندا باعانىڭ جىلدىق ءوسىمى 25،7%-دى قۇرادى.
سالىستىرۋ ءۇشىن: وسى كەزەڭدە قازاقستاندا ازىق-تۇلىك باعاسى 9،9%-عا قىمباتتاپ، جالپى العاندا جىلدىق ينفلياسيا 8،5%-دى قۇرادى. 2021 جىلدىڭ قاڭتارىندا بۇل سالاداعى باعانىڭ جىلدىق ءوسىمى بۇدان دا جوعارى — 38،6% بولعان.
ەلىمىزدىڭ ءىرى قالالارى مەن مەگاپوليستەرىنىڭ اراسىندا ەڭ قىمبات كۇنباعىس مايى اتىراۋدا (بيىلعى جىلدىڭ قاڭتارىندا ءليترى 836 تەڭگە بولعان)، نۇر-سۇلتاندا (ليترىنە 817 تەڭگە) جانە اقتاۋدا (ليترىنە 814 تەڭگە)، ەڭ ارزان باعا – سەمەيدە (ليترىنە 696 تەڭگە) بولعان.
اتالمىش سالاداعى باعانىڭ ەڭ قاتتى جوعارىلاۋى باتىس قازاقستان (جىلىنا +35،6%)، جامبىل (+34،9%) جانە اقمولا (+31،4%) وبلىستارىندا بايقالعان. كۇنباعىس مايى باعاسىنىڭ ەڭ از ءوسىمى شىعىس قازاقستان وبلىسىندا بايقالدى – جىلىنا «بار بولعانى» 18%-عا قىمباتتاعان.
2021 جىلدىڭ 12 ايىندا تازارتىلعان كۇنباعىس مايىنىڭ ءوندىرىسى 147،6 مىڭ توننانى قۇرادى، بۇل ءبىر جىل بۇرىنعىدان 9،2%-عا ارتىق. وندىرىلگەن ءونىمنىڭ 95،2%-ى ءۇش نەگىزگى ءوڭىردىڭ ۇلەسىنە ءتيدى: شىمكەنت (61،5 مىڭ توننا)، شىعىس قازاقستان وبلىسى (57،2 مىڭ توننا) جانە الماتى (21،8 مىڭ توننا).
تازارتىلماعان ماي ءوندىرۋ، كەرىسىنشە، وتكەن جىلدىڭ قاڭتار-جەلتوقسان ايلارىندا 183،6 مىڭ تونناعا دەيىن (جىلىنا 2،4%-عا) ازايدى. مۇنداعى ءونىمنىڭ 77 پايىزدان استامىن ءبىر عانا شىعىس قازاقستان وبلىسىنىڭ ماي وندىرۋشىلەرى (142 مىڭ توننا) قامتاماسىز ەتتى.
2021 جىلدىڭ 11 ايىنىڭ قورىتىندىسى بويىنشا، وتاندىق وندىرۋشىلەر كۇنباعىس مايى نارىعىن 78،8%-عا قامتاماسىز ەتتى.
ءوندىرىستىڭ ءوسۋى اياسىندا يمپورت وتكەن جىلدىڭ وسى كەزەڭىمەن سالىستىرعاندا 13،2%-عا ازايدى. قازاقستاننان سىرتقا شىعارىلاتىن ماي كولەمى ءبىر جىلدا 19 پايىزعا دەرلىك قىسقاردى.
ىشكى نارىقتاعى ساتۋ كولەمى 8،3%-عا ءوستى.
ق ر اۋىل شارۋاشىلىعى مينيسترلىگى قاڭتاردا رەسپۋبليكادان 16 مىڭ توننا كۇنباعىس مايىن ەكسپورتتاۋعا كۆوتا ءبولدى. كۆوتالاردى 47 كاسىپورىن الدى.
ەكسپورتتىڭ ەڭ ۇلكەن مولشەرى – 920 توننا «Shymkent Optima Logistic» ج ش س جانە «Uly dala export» جشس-نە، سونداي-اق شىعىس قازاقستان وبلىسى («Qazaq Astyq Group» ج ش س جانە «Sei-Nar Production Complex» ج ش س) جانە قوستاناي وبلىسىنداعى («ورتاماكس» جك) كومپانيالارىنا تيەسىلى بولدى.
سونداي-اق مينيسترلىك اقپان ايىندا كۇنباعىس مايىنىڭ ەكسپورتتىق كۆوتاسىنا ءوتىنىم قابىلداۋ باستالعانىن حابارلادى. كۆوتا كولەمى 16 مىڭ توننانى قۇرايدى.