قازاقستاندا شاحماتتان ەرەكشە چەمپيونات وتەدى

3-8 تامىز ارالىعىندا اقتاۋ قالاسىندا الەمدە تۇڭعىش رەت World Schools Team Championship وتەدى.

چەمپيوناتتىڭ ەرەكشەلىگى سوندا، وعان شاحمات ۇيىرمەلەرى مەن سەكسيالارىنىڭ تاربيەلەنۋشىلەرى ەمەس، شاحماتتى جاقسى كورەتىن قاراپايىم اۋەسقوي مەكتەپ وقۋشىلارى قاتىسادى، دەپ حابارلايدى Almaty-akshamy.kz.

Elorda.info سايتىنىڭ حابارلاۋىنشا، ايتۋلى دودانى حالىقارالىق جانە قازاقستان شاحمات فەدەراسيالارى ۇيىمداستىرادى. 

جارىس 12 جاسقا دەيىنگى جانە 18 جاسقا دەيىنگى ەكى كاتەگوريا بويىنشا وتەدى. بايراقتى باسەكەگە 50 ەلدەن 300-گە جۋىق قاتىسۋشى كەلەدى دەپ كۇتىلۋدە. اقتاۋعا پەرۋ، ماداگاسكار، سان-تومە جانە پرينسيپيدەن قاتىسۋشىلار كەلەدى. 

چەمپيوناتتا قازاقستاننىڭ نامىسىن 6 قالادان 10 مەكتەپ قورعايدى:

• IT مەكتەپ-ليسەيى، اقتاۋ ق.؛

• ن.مارابايەۆ اتىنداعى №7 مەكتەپ-ليسەيى، اقتاۋ؛

• م.گاندي اتىنداعى №92 مامانداندىرىلعان ليسەيى، الماتى؛

• رەسپۋبليكالىق فيزيكا-ماتەماتيكا مەكتەبى، الماتى؛

• الماتى قالاسى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبى؛

• №72 مەكتەپ-ليسەيى، استانا قالاسى؛

• رەسپۋبليكالىق فيزيكا-ماتەماتيكا مەكتەبى، استانا ق.؛

• اتىراۋ وبلىستىق «ءبىلىم-يننوۆاسيا» ليسەي-ينتەرناتى؛

• دارىندى بالالارعا ارنالعان № 8 ليسەي-مەكتەبى، پاۆلودار ق.؛

• و.جولداسبەكوۆ اتىنداعى №9 IT ليسەيى، شىمكەنت ق.