1 قاڭتارىنان باستاپ كۇشىنە ەنەدى.
بۇل تۋرالى ارنايى بريفينگتە ق ر ادىلەت ۆيسە-مينيسترى الما مۇقانوۆا ءمالىم ەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
ونىڭ ايتۋىنشا، ەلىمىزدە زاڭ قابىلداۋدىڭ جاڭا ءتارتىبى ەنگىزىلەدى. ياعني، الداعى ۋاقىتتا قۇقىقتىق نورمالاردى ءماجىلىس قابىلدايدى، سەنات ماقۇلدايدى.
بۇل جاڭاشىلدىق 2023 جىلدىڭ 1 قاڭتارىنان باستاپ كۇشىنە ەنەدى. 61-باپقا سايكەس، بۇل كونستيتۋسيالىق زاڭ جوبالارىن دا، جاي زاڭ جوبالارىن دا قابىلداۋ راسىمىنە قاتىستى بولادى.
«لاۋازىمدى ادامدارعا وكىلەتتىكتەر بەرۋدى بەلگىلەيتىن ق ر كونستيتۋسياسىنىڭ نورمالارى – ەگەر ق ر كونستيتۋسياسىندا باسقاسى كوزدەلمەسە، وسى لاۋازىمدى ادامدار وكىلەتتىگى مەرزىمىنىڭ اياقتالۋىنا نەمەسە وكىلەتتىكتەرىنىڭ تولىق توقتاۋىنا قاراي قولدانىسقا ەنگىزىلەدى. مىسالى، سەناتتاعى پرەزيدەنت تاعايىندايتىن 15 دەپۋتات مەرزىمى اياقتالعانعا دەيىن ءوز وكىلەتتىكتەرىن ساقتايدى. سونداي-اق كونستيتۋسيالىق سوت پەن جوعارى اۋديتورلىق پالاتا نورمالارىنا كەلەتىن بولساق، كونستيتۋسيالىق سوت پەن جوعارى اۋديتورلىق پالاتا قۇرىلعانعا دەيىن كونستيتۋسيالىق كەڭەس پەن ەسەپ كوميتەتى ءوز جۇمىسىن جالعاستىرادى»، – دەدى ادىلەت ۆيسە-مينيسترى.
ەسكە سالا كەتسەك، ءساۋىر ايىندا كونستيتۋسيالىق كەڭەستىڭ اپپارات جەتەكشىسى باقىت نۇرمۇحانوۆ ەندى زاڭ قابىلداۋ قۇقىعى ماجىلىسكە تيەسىلى بولاتىنىن حابارلاعان ەدى. ال بۇعان دەيىن زاڭ جوباسى تومەنگى پالاتادا ماقۇلدانىپ، سوسىن سەنات قاراپ قابىلدايتىن.