الماتىدا قالا قوناقتارى مەن تۇرعىندارى ءۇشىن 20 جەلتوقساننان 5 قاڭتارعا دەيىن رەسپۋبليكا سارايىنىڭ اۋماعىندا جاڭاجىلدىق فەستيۆال وتەدى، دەپ حابارلايدى اlmaty-akshamy.kz.
فەستيۆال اياسىندا اباي الاڭىندا 26 ساندىك كىشى ساۋلەت پىشىندەر (كسپ)، ءتۇرلى دۇكەندەرى مەن مەيرامحانالارى بار 30 ءۇي، سونداي-اق فوتوايماقتار ورناتىلدى، قازاقستاندىق ەسترادا جۇلدىزدارىنىڭ قاتىسۋىمەن كونسەرتتەر جوسپارلانعان:
- 29 جەلتوقساندا ساعات 18:40-تا ساحنادا Ninety one توبى مەن Asia لايۆ-بەند ونەر كورسەتەدى؛
- 30 جەلتوقساندا ساعات 18:40-تا Nazima جانە Ava Band لايۆ-بەند قويىلىمدارى وتەدى:
- 3 قاڭتاردا ساعات 18:40-تا لايۆ-بەند Guinness.
نەگىزگى مادەني شارالار 31 جەلتوقساندا «استانا» الاڭىندا – ساعات 21:00-دەن 23:50-گە دەيىن قازاقستاندىق ەسترادا جۇلدىزدارىنىڭ قاتىسۋىمەن مەرەكەلىك كونسەرت وتەدى. كەشتىڭ جۇرگىزۋشىلەرى دانيار باتىربايەۆ، داۋلەت بيجانوۆ جانە انارا باتىرحان. ساحنادا اباي بەگەي، ءمادينا ءسادۋاقاسوۆا، ءمولدىر اۋەلبەكوۆا، رانو وماروۆا، پارۆيز نازاروۆ، Luina، اسحات تارعىن، ديماش داۋلەتوۆ، نۇرسۇلتان نۇربەردييەۆ، «وردا»، Ninety One، «كەشYوu»، «جىگىتتەر»، «شاميس» توپتارى، بۇركىت پەن ايشا، ءالي وقاپوۆ، ءمادي رىمبايەۆ ونەر كورسەتەدى. پرەزيدەنتتىڭ قۇتتىقتاۋ سوزىنەن كەيىن قالادا 10 مينۋتقا دەيىن سوزىلاتىن مەرەكەلىك وتشاشۋ بولادى.
جاڭاجىلدىق قىسقى فەستيۆال جاڭاجىلدىق سىيلىقتار بويىنشا تاماشا يدەيالارى بار قازاقستاندىق ديزاينەرلەر مەن قولونەرشىلەردىڭ وزدەرى جاساعان اعاش ويىنشىقتار، زەرگەرلىك بۇيىمدار، بالاۋىز شامدار، توقىلعان اكسەسسۋارلار، سىيلىقتاردى بەزەندىرۋ، ەرەسەكتەر مەن بالالارعا ارنالعان كيىم-كەشەكتەر ۇسىناتىن جاڭاجىلدىق جارمەڭكەگە جالعاسادى.
ەسكە سالساق، قالانىڭ باس شىرشاسى اباي الاڭىندا ورنالاسقان، ونىڭ بيىكتىگى 22 مەتر، 350 ويىنشىق جانە 10 مىڭ مەرەكەلىك گيرلياندالارمەن بەزەندىرىلگەن.
قالادا بارلىعى سەگىز جاساندى شىرشا قويىلعان، ولار مىنا جەرلەردە ورنالاسقان:
«الماتى ارەنا» مۇز سارايىنىڭ الدىنداعى الاڭدا؛
* استانا الاڭىندا؛
* اباي الاڭىندا؛
* ن. ساس اتىنداعى بالالار مەن جاسوسپىرىمدەر تەاترى الدىنداعى الاڭدا؛
* بالۋان شولاق اتىنداعى سپورت جانە مادەنيەت سارايىنىڭ الدىندا؛
* تۇڭعىش پرەزيدەنت ساياباعىندا؛
* ع. مۇسىرەپوۆ اتىنداعى بالالار مەن جاسوسپىرىمدەر تەاترىنىڭ الدىندا؛
* قبتۋ عيماراتىنىڭ الدىنداعى الاڭدا.
مەدەۋ، المالى اۋداندارىندا جانە استانا الاڭىندا فۋدكورت ۇيلەرى مەن نۇكتەلەرى ورنالاسقان. پانفيلوۆ جانە جىبەك جولى جاياۋ جۇرگىنشىلەر كوشەلەرىندە "جۇلدىزدى اسپاننىڭ" 2 سەگمەنتى بەزەندىرىلىپ، 12 تاقىرىپتىق كسپ جانە 4 فوتو ايماق ورناتىلدى. تۇڭعىش پرەزيدەنت ساياباعىندا جاڭاجىلدىق ستيلدە بەزەندىرىلگەن 8 ايماق ۇيىمداستىرىلعان. قالا بويىنشا بيىكتىگى 1-دەن 2،5 مەترگە دەيىنگى ەرتەگى كەيىپكەرلەرىنىڭ 40 كولەمدى فيگۋراسى ورناتىلدى.
الماتىدا بەس تەگىن مۇز ايدىنى اشىلعان - تۇڭعىش پرەزيدەنت ساياباعىنىڭ الدىندا، رەسپۋبليكا سارايىنىڭ الدىندا، اۋەزوۆ اۋدانىنداعى ىقىلاس،9 مەكەنجايداعى تاۋگۇل ىقشاماۋدانىندا، ناۋرىزباي اۋدانى اكىمدىگىنىڭ الدىندا شۇعىلا شاعىناۋدانى، 347-دە، تۇركسىب اۋدانىنداعى سەيفۋللين كوشەسى، 13 مەكەنجايداعى №6 وقۋشىلار ءۇيىنىڭ الدىندا. جاقىن ارادا جەتىسۋ اۋدانىنداعى "گۇلدەر" ساياباعىندا تاعى ءبىر مۇز ايدىنى اشىلادى.
مۇز ايدىندارىنا كىرۋ – تەگىن، كونكيدى ءبىر سەانستا جالعا الۋ قۇنى (2 ساعات) 1000 تەڭگەنى قۇرايدى. كونكيمەن كەلگەندەر ءۇشىن كونكي تەبۋ تەگىن. بەرۋ پۋنكتتەرى جۇمىس كۇندەرى 10:00-دەن 22:00-گە دەيىن جانە دەمالىس كۇندەرى 10:00-دەن 23:00-گە دەيىن جۇمىس ىستەيدى، مۇز ايدىندارىنىڭ ءوزى تاۋلىك بويى جۇمىس ىستەيدى.جاڭا جىلدىق ءىس-شارالاردىڭ تولىق كەستەسى الماتى قالاسى مادەنيەت باسقارماسىنىڭ (@almatymadeniet) Instagram-داعى رەسمي اككاۋنتىندا جاريالانعان.