ەلىمىزدە جۇمىسسىز بولا تۇرا، ونى ىزدەۋگە جانە ەڭبەك ەتۋگە قۇلشىنبايتىنداردىڭ قاتارى قالىڭ.
وسى ساناتتا 39،5 مىڭ ادام تىركەلگەن، دەپ حابارلايدى Almaty-akshamy.kz.
ۇلتتىق ستاتيستيكا بيۋروسىنىڭ مالىمەتىنشە، وتكەن جىلدىڭ ءتورتىنشى توقسانىندا قازاقستان ەكونوميكاسىنىڭ ءتۇرلى سالالارىندا 9 ملن ادام جۇمىسپەن قامتىلدى. ولاردىڭ 6،9 ميلليونى جالدامالى قىزمەتكەر بولسا، 2،1 ملن ادام - ءوزىن-وزى جۇمىسپەن قامتۋشىلار.
تولىق جۇمىسپەن قامتىلماعاندار سانى بىلتىرعى ءۇشىنشى توقسانمەن سالىستىرعاندا 9،9%-عا ءوسىپ، 268،9 مىڭ ادام بولدى.
بىلتىرعى قورىتىندى بويىنشا، جۇمىسسىز قازاقستاندىقتار سانى - 456،1 مىڭ ادام. ال وسى ارالىقتا قىزمەت ەتۋگە قۇلىقسىزدار 19،3% بولىپ تومەندەدى. ياعني، ەلىمىزدە جۇمىس ىستەۋگە نيەتى جوقتار سانى - 39،5 مىڭ ادام.
ايتا كەتەيىك، بۇدان بۇرىن ۇلتتىق ستاتيستيكا بيۋروسى ەلىمىزدەگى ءوزىن-وزى جۇمىسپەن قامتىعاندار سانىن جاريا ەتكەن.