الماتىلىق پەداگوگتار كادرلىق الەۋەتتى دامىتۋ باعدارلاماسى اياسىندا العاش رەت حالىقارالىق تاعىلىمدامادان ءوتتى.
قالانىڭ 50 مەكتەبىنىڭ باسقارۋ كوماندالارى «باسقارۋ جانە كوشباسشىلىق: تاياۋدا دامۋ مەكتەبى» كاسىبي قايتا دايارلاۋ باعدارلاماسىنىڭ حالىقارالىق ديپلومدارىن الدى. 50 ءبىلىم بەرۋ ۇيىمىنىڭ 150 باسشىسىن وقىتۋ 2022 جىلدىڭ مامىر-جەلتوقسان ايلارى ارالىعىندا قالالىق اكىمدىكتىڭ باستاماسىمەن قالانىڭ كادرلىق الەۋەتىن دامىتۋ جونىندەگى «الماتى مەكتەبى» باعدارلاماسىن ىسكە اسىرۋ اياسىندا ءوتتى، - دەپ حابارلايدى Almaty-akshamy.kz.
10 اي ىشىندە باسقارۋشى كوماندالار مەنەدجمەنت، كوشباسشىلىق، ەكونوميكا جانە قارجى، وزگەرىستەردى باسقارۋ، سيفرلىق ءبىلىم بەرۋ، ءبىلىم بەرۋ باعدارلامالارىن جوبالاۋ جانە ءبىلىم بەرۋ ساياساتىنىڭ ترەندتەرى سالاسىندا قۇزىرەتتەردى قالىپتاستىرۋعا باعىتتالعان جەتى كۇندىزگى وقىتۋ مودۋلىنەن ءوتتى. باعدارلامادا وقىتۋدىڭ ءارتۇرلى فورماتتارى قولدانىلدى، ولار: ينتەراكتيۆتى پرەزەنتاسيالار، توپتىق جۇمىستار، تيۋتورلىق سۇيەمەلدەۋ، قاتىسۋشىلاردىڭ كەيستەرىن كورسەتۋ جانە شاقىرىلعان سپيكەرلەردىڭ قوناق دارىستەرى.
وقىتۋ بارىسىندا باسقارۋشى كوماندالار ءوز ۇيىمدارىن دامىتۋ باعدارلامالارىن جانە ولاردى ەنگىزۋ جونىندەگى دامۋ جوبالارىن ازىرلەدى. مەكتەپتەردى دامىتۋدىڭ ءۇش جىلدىق باعدارلامالارىن الماتى قالاسىنىڭ ءبىلىم بەرۋ، ءبىلىم باسقارماسى جانە ءبىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعىنىڭ ساراپشىلارىنىڭ الدىندا قورعادى.
قايتا دايارلاۋ باعدارلاماسىنىڭ اۆتورلارى مەن تالىمگەرلەرى-فينليانديا، گەرمانيا، ەستونيا، رەسەي مەن قازاقستاندا كەڭىنەن تانىلعان پراكتيكتەر. وقىتۋ بارىسىندا قاتىسۋشىلارعا ساراپشىلار تيۋتورلىق قولداۋ كورسەتتى، جاڭا قۇزىرەتتەر بويىنشا مودۋلارالىق ونلاين كۋرستارعا قولجەتكىزىلدى جانە العاش رەت حالىقارالىق تاعىلىمدامادان ءوتۋ مۇمكىن بولدى.
وتكەن جىلدىڭ 2-8 قاراشا ارالىعىندا فينليانديا مەن ەستونيادا الماتى مەكتەپتەرىنىڭ 50 ديرەكتورى تاعىلىمدامادان ءوتتى. پەداگوگتار اشىق ساباقتارعا قاتىسىپ، يننوۆاسيالىق مەكتەپتەر، ۋنيۆەرسيتەت جانە حەلسينكي بالاباقشالارى مىسالىندا فين جۇيەسىنىڭ فەنومەنىنە ءۇڭىلدى.
باعدارلامانىڭ وپەراتورلارى – حەلسينكي ۋنيۆەرسيتەتىمەن سەرىكتەس EdCrunch Academy (قازاقستان) زاماناۋي ءبىلىم بەرۋ ينستيتۋتى، «نزم» دببۇ، ماسكەۋ قالالىق پەداگوگيكالىق ۋنيۆەرسيتەتى، «ەكونوميكا جوعارى مەكتەبى» نيۋ جانە ەىدۇ (PISA).