"ۇلتتىق قور – بالالارعا" جوباسى اياسىندا بالانىڭ شوتىندا 18 جىل ىشىندە 3 500 دوللار جينالادى.
بۇل تۋرالى قارجى ۆيسە-مينيسترى داۋرەن تەمىربەكوۆ مالىمدەدى، دەپ حابارلايدى Almaty-akshamy.kz
"ۇلتتىق قور – بالالارعا" جوباسى اياسىندا قوردىڭ ينۆەستيسيالىق تابىسىنىڭ 50%ء-ى 18 جاسقا دەيىنگى بالالاردىڭ شوتىنا اۋدارىلادى. جوبا وپەراتورى ءبىرىڭعاي جيناقتاۋشى زەينەتاقى قورى بولادى.
ءسابي دۇنيەگە كەلگەن كەزدە ادىلەت مينيسترلىگىنىڭ جەكە تۇلعالاردىڭ دەرەكتەرى بازاسى نەگىزىندە شوت اۆتوماتتى تۇردە اشىلادى. ۇلتتىق قوردىڭ ينۆەستيسيالىق تابىسى بالانىڭ شوتىندا 1 قاڭتاردا اۋدارىلىپ تۇرادى.
"جەكەلەگەن كەزەڭدەردە ينۆەستيسيالىق كىرىس تەرىس ماندە قالىپتاسۋى مۇمكىن ەكەنىن ەسكەرىپ، ينۆەستيسيالىق تابىستىڭ ستاۆكاسىن وتكەن جىلدارداعى ورتاشا جىلدىق ءمان نەگىزىندە ايقىنداۋ جوسپارلانىپ وتىر. بولجامدىق باعالاۋلار بويىنشا مۇنداي ءادىس باعدارلاماعا تۋعان ساتتەن باستاپ قاتىسقان بالاعا 150-160 اقش دوللارى مولشەرىندە 18 جىل سايىنعى تولەم الۋعا مۇمكىندىك بەرەدى"، - دەدى تەمىربەكوۆ سەناتتا وتكەن وتىرىستا.
ۇلتتىق بانك ۇلتتىق قوردىڭ وتكەن جىلدارداعى ورتاشا كىرىسىن ەسكەرىپ، ينۆەستيسيالىق تابىستىڭ 50%-ىن ەسەپتەيدى.
"ينۆەستيسيالىق تابىستىڭ ستاۆكاسىن 18 جىلداعى ورتاشا جىلدىق ءمان دەڭگەيىندە ايقىنداۋ ۇسىنىلىپ وتىر. سوندا بالانىڭ (18 جاسقا تولعاندا) جيناعان سوماسى 3500 دوللاردى قۇرايدى دەپ بولجانىپ وتىر"، - دەدى ۆيسە-مينيستر.
قازاقستاندىق 18 جاسقا تولعانعا دەيىن اقشا ۇلتتىق قوردا بولادى جانە قارجى قۇرالدارىنا ينۆەستيسيالانادى. جوبا وپەراتورى ءبىرىڭعاي جيناقتاۋشى زەينەتاقى قورى بولادى.