ءبىر ويىنشىنىڭ ورتاشا قارىزى 10 ملن تەڭگە شاماسىندا.
سەنات دەپۋتاتى دانا نۇرجىگىتوۆا بۋكمەكەرلىك كومپانيالاردىڭ جارناماسىنا تىيىم سالۋ كەرەكتىگىن ايتتى، دەپ حابارلايدى Almaty-akshamy.kz
دەپۋتاتتىڭ ايتۋىنشا، وزىنە شاعىمدانعان ازاماتتار بۋكمەكەرلىك كەڭسەلەردى جارنامالاۋعا قاتىستى زاڭنامالىق شارالار قابىلداۋدى تالاپ ەتەدى.
«جارناما تۋرالى» قولدانىستاعى زاڭعا سايكەس، كازينو مەن ينتەرنەت-كازينو قىزمەتتەرىن جارنامالاۋعا تىيىم سالىنادى. ءبىراق بۋكمەكەرلىك كەڭسەلەردىڭ قىزمەتتەرىن جارنامالاۋعا تىكەلەي تىيىم جوق. سوندىقتان مۇنداي كومپانيالاردىڭ جارنامالارى ينتەرنەتتە اگرەسسيۆتى تۇردە العا جىلجىپ بارادى. وسى فاكتىنى ەسكەرە وتىرىپ، بۋكمەكەرلىك كومپانيالاردى جارنامالاۋعا تولىق تىيىم سالۋ بويىنشا قولدانىستاعى زاڭناماعا ءتيىستى وزگەرىستەر ەنگىزۋ قاجەت»، - دەدى دانا نۇرجىگىتوۆا.
سەناتوردىڭ مالىمەتىنشە، قازاقستاندا قۇمار ويىنشىلاردىڭ سانى 350 مىڭنان اسادى، ال ءبىر ويىنشىنىڭ ورتاشا قارىزى 10 ملن تەڭگە شاماسىندا.
«جاسى 18-گە تولعان كەز كەلگەن ازاماتقا، تابىسىنا قاراماستان، ءموبيلدى قوسىمشالارمەن نەسيە بەرىلەدى. مۇنداي قولجەتىمدى نەسيەلەر قۇمار ويىنداردىڭ تولەمدەرىنە دە جۇمسالادى. بانك الدىندا بەرەشەگى بار، قۇمار ويىننىڭ جەتەگىندە جۇرگەن 18-27 جاس ارالىعىنداعى ازاماتتار اسكەرگە بارادى. بۇل كەزدە نەسيەنىڭ پايىزى وسە بەرەدى»، - دەيدى سەناتور.