ق ر پارلامەنتى ءماجىلىسىنىڭ دەپۋتاتى ايدوس سارىم «جاڭا قازاقستان» دەپۋتاتتىق توبىنىڭ باستى ماقساتىن اتادى، دەپ حابارلايدى اlmaty-akshamy.kz
«جاڭا قازاقستان» دەپۋتاتتىق توبىنىڭ قۇرىلۋى سەبەبى، ونىڭ شارتى تۋرالى ايتۋعا رۇقسات ەتىڭىزدەر. وزدەرىڭىز بىلەسىزدەر، كەشە ءماجىلىستىڭ جالپى وتىرىسىندا ارىپتەسىمىز ەدىل جاڭبىرشين مالىمدەمەمىزدى جاريالاعان بولاتىن. ءقازىر ول كىسى ۇكىمەتتە جاڭاوزەن ماسەلەسى بويىنشا كەلىسسوز جۇرگىزىپ جاتىر. ءبىزدىڭ باستى ماقساتىمىز - قاڭتار تراگەدياسىنان كەيىنگى ەلىمىزدەگى شىنايى رەفورمالاردى قولداۋ. بىرىنشىدەن، پرەزيدەنت باستاعان ەلدى جاڭعىرتاتىن باستامالاردى قولداپ، ولاردى ساباتاجعا، توقتاۋعا، سوڭىنا ىسىرۋعا جول بەرمەۋ. ەكىنشىدەن، كەز كەلگەن ۇلكەن ساياسي رەفورمالار زاڭ شىعارۋشى جانە وكىلەتتى ورگاننان باستالۋى كەرەك. ءبىزدىڭ تۇپكىلىكتى ماقساتىمىز - ءماجىلىستىڭ جۇمىسىن جاڭا جولعا، جاڭا ارناعا بۇرۋ. ونىڭ ىشىندە ءماجىلىستىڭ اشىقتىعى، بەلسەندى اڭگىمە كوتەرىپ، ونى قوزعاۋ دا بار. بۇل - ۇلكەن ماسەلەنىڭ ءبىرى»، - دەدى ول ەلوردادا ۇيىمداستىرعان باسپا ءسوز ءماسليحاتى بارىسىندا.
سونىمەن قاتار ول «جاڭا قازاقستان» دەپۋتاتتىق توبى ءماجىلىستىڭ رەگلامەنتىن، ءماجىلىس تۋرالى، ءماجىلىس دەپۋتاتتارى تۋرالى زاڭنامانى وزگەرتۋگە كۇش سالاتىندىعىن باسا ايتتى.
«بۇل - ءوزىمىزدىڭ قولىمىزدا تۇرعان نارسە. ەلىمىزدە جۇرگىزىپ جاتقان بيۋدجەتتىك باعدارلامالارىنىڭ تيىمدىلىگىن ارتتىرۋ ماقساتىندا ۇكىمەتپەن جانە باسقا دا مەملەكەتتىك ورگاندارمەن قويان-قولتىق جۇمىس ىستەپ، تالاپتاردى كۇشەيتەمىز. جاقىندا پرەزيدەنت ناۋرىز ايىندا ۇلكەن ساياسي رەفورمالاردىڭ جاريالاناتىندىعىن ايتتى. سوعان بەلسەنە اتسالىسامىز. ەلدەگى رەفورمالاردىڭ دۇرىس جۇرگىزىلۋىن، ونىڭ شىن مانىندە قوعامنىڭ، حالىقتىڭ تالابىنان شىعۋىن نازاردا ۇستاپ، ونىڭ بەلسەندى سۋبەكتىسىنە اينالامىز. ۇشىنشىدەن، ايماقتاعى وكىلەتتى ورگانداردىڭ جۇمىسىن جانداندىرۋ قاجەت. قوعامدىق كەڭەستەرگە، ءماسليحاتتارعا وزگەرىستەر كەرەك. ولارعا جاقسى ۇلگى كورسەتۋ كەرەك دەپ ويلايمىز. وسى تۇرعىدا دا ەڭبەك ەتەمىز»، - دەدى ايدوس سارىم.