قازاقستاننىڭ ەكولوگيالىق ۇيىمدارىنىڭ قاۋىمداستىعى StopMusor الەۋمەتتىك جوباسىنىڭ ەكىنشى كەزەڭىن ىسكە اسىرۋ قورىتىندىلارىنا ارنالعان باسپا ءسوز كونفەرەنسياسىن وتكىزدى.
جىل سايىن قازاقستاندا شامامەن 5 ميلليون توننا قتق جينالادى، ونىڭ باسىم بولىگى ادامداردىڭ كۇندەلىكتى نەگىزدە پايدالاناتىن ونىمدەرىنەن قالىپتاسادى، دەپ حابارلايدى Almaty-akshamy.kz Elorda.info-عا سىلتەمە جاساپ
ەكولوگيا، گەولوگيا جانە تابيعي رەسۋرستار مينيسترلىگىنىڭ مالىمەتىنشە، وتكەن جىلى ەلىمىزدە 7 300 ستيحيالى قوقىس ءۇيىندىسى جينالعان، ونىڭ 88% -ى جويىلعان (6 600 قوقىس ءۇيىندىسى). 2021 جىلى قالدىقتاردى قايتا وڭدەۋ ۇلەسى 20،2% - دى قۇراسا، 2020 جىلدىڭ وسى كەزەڭىندە ۇلەس 15،8%-دى قۇرادى.
"StopMusor جوباسىنىڭ نەگىزگى يدەياسى – ادامدارعا ءوز قوقىستارىن قوقىس جاشىكتەرىنە دەيىن جەتكىزۋگە ۇيرەتۋ جانە ۇساق قوقىستاردىڭ ءوزى ەكولوگياعا، سايىپ كەلگەندە، ءبىزدىڭ دەنساۋلىعىمىزعا ۇلكەن زالال كەلتىرۋى مۇمكىن ەكەنىن ءتۇسىندىرۋ"، - دەدى ەكولوگيالىق ۇيىمدار قاۋىمداستىعىنىڭ باسقارما ءتوراعاسى ايگۇل سولوۆيەۆا.