ولاردىڭ جۇمىسى ءتىپتى عالامتور قاتاڭ باقىلاناتىن ەلدەردە دە گۇلدەنىپ تۇر.
تۋريزم جانە سپورت ۆيسە-مينيسترى ميراس تولەبايەۆ قازاقستاندا ونلاين-كازينولارعا تىيىم سالىنعانىن، رەسمي بۋكمەكەرلىك قىزمەتكە ليسەنزيا قاجەت ەكەنىن، الايدا مۇنداي شارالاردىڭ جەتكىلىكسىز ەكەنىن اتاپ ءوتتى، دەپ حابارلايدى Almaty-akshamy.kz
"وكىنىشكە وراي، بۇل ماسەلەنىڭ امبەباپ شەشىمى جوق. ينتەرنەت-كازينولار ءتىپتى عالامتور قاتاڭ باقىلاناتىن ەلدەردە دە گۇلدەنىپ تۇر"، - دەدى ۆيسە-مينيستر.
شەنەۋنىك ۇزاق ۋاقىت بويى نەگىزگى قۇرال تىيىم سالىنعان ينتەرنەت-رەسۋرستاردى بۇعاتتاۋ بولعانىن حابارلادى. ماسەلەن، 2023 جىلى بيلىك 4 مىڭنان استام زاڭسىز كازينو مەن بۋكمەكەرلىك سايتتاردى بۇعاتتاعان.
"ۇيىمداستىرۋشىلار دەرەۋ باسقا سايتتار اشىپ، تىيىم سالىنعان قىزمەتىن جالعاستىرىپ جاتىر"، - دەدى سپيكەر.
ۆيسە-مينيستر قۇمار ويىندار تۋرالى زاڭ كۇشىنە ەنگەننەن كەيىن ونلاين-كازينو ۇيىمداستىرۋشىلار ق ر قك-نىڭ 307-بابى بويىنشا قىلمىستىق جاۋاپكەرشىلىككە تارتىلاتىنىن اتاپ ءوتتى.
سونداي-اق، ول قۇمار ويىن بيزنەسىنىڭ زاڭدى ۇيىمداستىرۋشىلارىنىڭ ءتىزىمى مينيسترلىك سايتىندا جانە ە-ليسەنزيالاۋ پورتالىندا قولجەتىمدى ەكەنىن ايتتى.