قازاقستاندا قورعانىس، مەملەكەتتىك باسقارۋ سالاسىنداعى جالاقى ءوستى

ءبىر جىلدا 23% قوسىلدى. 

بيىل مەملەكەتتىك باسقارۋ جانە قورعانىس، سونداي-اق مىندەتتى الەۋمەتتىك قامسىزداندىرۋ سەكتورى قىزمەتكەرلەرىنىڭ ورتاشا ايلىق جالاقىسى 249 مىڭ تەڭگەگە جەتتى، دەپ حابارلايدى Almaty-akshamy.kz Ranking.kz-كە  سىلتەمە جاساپ.

اتالمىش سالا قىزمەتكەرلەرىنىڭ جالاقىسى ءبىر جىلدا 22،6%-عا ءوستى. جالاقىنى ساتىپ الۋ قابىلەتىنىڭ ءوسۋى 7،6%-عا جەتتى.

سەكتورداعى ەڭ جوعارى جالاقى مىندەتتى الەۋمەتتىك ساقتاندىرۋ سالاسىندا اتاپ ءوتىلدى. ول 654 مىڭ تەڭگەگە جەتىپ، 1،3% ءوسىم كورسەتتىك. حالىققا قىزمەت كورسەتۋ سالاسىندا 246،6 مىڭ تەڭگە، جالپى سيپاتتاعى مەملەكەتتىك باسقارۋ جانە الەۋمەتتىك-ەكونوميكالىق باسقارۋ سالاسىندا 249،3 مىڭ تەڭگە بولدى.

ءوڭىر بويىنشا سەكتورداعى ەڭ جوعارى جالاقىنى ەلوردا قىزمەتكەرلەرى الدى. ولار 393،3 مىڭ تەڭگە الادى، بۇل كورسەتكىش وتكەن جىلمەن سالىستىرعاندا 9،3%-عا ارتىق. ودان كەيىنگى كەزەكتە قىزىلوردا وبلىسى (283،9 مىڭ تەڭگە) جانە الماتى (265،5 مىڭ تەڭگە) بولدى.

ەڭ تومەنگى كورسەتكىشتەر اقمولا (209،1 مىڭ تگ)، اباي (209،7 مىڭ تگ) جانە شىعىس قازاقستان (212،7 مىڭ تگ) وبلىستارىندا تىركەلدى.