1991 جىلدان باستاپ رەسپۋبليكاعا بارلىعى 1 ملن 101،2 مىڭ ەتنيكالىق قازاق ورالدى.
وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (68،7%) وزبەكستاننان، 10% – قحر-دان، 7،9% – تۇركىمەنستاننان، 4،6% – موڭعوليادان جانە 8،8% - باسقا ەلدەردەن، دەپ حابارلايدى Almaty-akshamy.kz Elorda.info-عا سىلتەمە جاساپ.
كەلگەن ەتنيكالىق قازاقتار نەگىزىنەن الماتى (29،9%)، ماڭعىستاۋ (16،7%)، تۇركىستان (9%) جانە جامبىل (6،5%) وبلىستارىندا، سونداي-اق، استانا (7،8%)، شىمكەنت (7،3%) جانە الماتى (5،8%) قالالارىنا قونىستانعان.
وسى جىلعى 1 قازانداعى جاعداي بويىنشا، ەڭبەككە قابىلەتتى جاستاعى ەتنيكالىق قونىس اۋدارۋشىلاردىڭ سانى 58،9%-دى، ەڭبەككە قابىلەتتى جاستان كىشى ادامدار 27،5%-دى جانە زەينەتكەرلەر 13،7%-دى قۇرايدى.
ەڭبەككە قابىلەتتى جاستاعى قانداستاردىڭ ءبىلىم دەڭگەيى بويىنشا 13،2%-ى جوعارى ءبىلىمدى، 38،9%-ى ارنايى ورتا ءبىلىمدى، 46%-ى جالپى ورتا ءبىلىمدى جانە 1،8%-ىنىڭ ءبىلىمى جوق.