2022 جىلعى 13 قازاندا قازاقستان اۋماعى ارقىلى اۋعانستان ازاماتتارىن زاڭسىز وتكىزۋ ارناسى انىقتالدى.
بۇل جۇمىستاردى ۇقك شەكارا قىزمەتى الماتى قالاسىنىڭ پروكۋراتۋراسىمەن بىرگە ورىنداعان، دەپ حابارلايدى Almaty-akshamy.kz Egemen.kz-كە سىلتەمە جاساپ.
«جەدەل ىزدەستىرۋ ءىس-شارالارى بارىسىندا ورتا ازيا ەلدەرىنىڭ ءبىرىنىڭ جالعان ءتولقۇجاتىن ۇسىنعان شەتەلدىك ازامات 1،5 مىڭ اقش دوللارى سوماسىنداعى اقشانى الىپ جاتقان كەزىندە ۇستالدى. وتكىزىلگەن ءتىنتۋدىڭ ناتيجەسىندە بىرنەشە قازاقستاندىق ۇيىمداردىڭ مورلەرى، 20 اۋعاندىق ءتولقۇجات، تۋۋ تۋرالى كۋالىكتەر مەن ق ر ازاماتتىعى مەن ەلدە تۇرۋعا ىقتيار حات الۋعا، تىركەلۋگە جانە ەلدە بولۋ مەرزىمىن ۇزارتۋعا نەگىز بولاتىن باسقا دا قۇجاتتار الىندى»، - دەپ جازىلعان حابارلامادا.
اتالعان فاكت قىلمىستىق بەلگىلەرى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ق ر قك 394-بابى 1-بولىگى (زاڭسىز كوشى-قوندى ۇيىمداستىرۋ) بويىنشا تىركەلدى.
ۇستالعان ادام الماتى قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.