تۇزىلەتىن قالدىقتاردىڭ كولەمىن قىسقارتۋ ماقساتىندا «Waste to Energy» قالدىقتاردى ەنەرگەتيكالىق كادەگە جاراتۋ تەتىگىن ەنگىزۋ جونىندەگى زاڭ قابىلدادى.
وسىلايشا قوقىس جاعىپ، ەلەكتر ەنەرگياسىن وندىرمەكشى، دەپ حابارلادى Almaty-akshamy.kz. ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ سايتىنا سىلتەمە جاساپ.
قازىرگى ۋاقىتتا قوقىس جاعاتىن زاۋىتتار سالۋ ءۇشىن 6 قالا انىقتالدى.
«نۇر-سۇلتان، اقتوبە، الماتى، شىمكەنت، قاراعاندى جانە وسكەمەن قالالارىنداعى اكىمدىكتەر زاۋىت سالۋعا جەر ۋچاسكەلەرىن ءبولدى، ەلەكتر ەنەرگياسىن تاراتۋشى ۇيىمنان ەلەكتر جەلىسىنە قوسىلۋدىڭ ەڭ جاقىن نۇكتەلەرىن انىقتادى. ەنەرگيا ءوندىرۋشى ۇيىمداردىڭ ءتىزىمىن قالىپتاستىرۋ بويىنشا اۋكسيون وتكىزۋگە قۇجاتتاردى قابىلداۋ باستالدى. ەكىنشى جارتىجىلدىقتا قورىتىندى شىعارامىز»، - دەدى ماعزۇم مىرزاعالييەۆ.
رۇقسات ەتىلمەگەن قوقىس پوليگوندارىنىڭ كوبەيۋى دە نازار اۋدارۋدى قاجەت ەتەدى. عارىشتىق مونيتورينگ شەڭبەرىندە جىل سايىن شامامەن 8،0 مىڭ قوقىس پوليگونى انىقتالادى.
«اكىمدىكتەر ولاردى تاراتۋ بويىنشا جۇمىس جۇرگىزۋدە. سونىمەن بىرگە، زاڭسىز قوقىس تاستايتىن جەرلەر تۋرالى ماسەلەنى جۇيەلى تۇردە شەشۋ ءۇشىن جاڭا ەكولوگيالىق كودەكستە قوقىس شىعاراتىن كولىك قۇرالدارىنا GPS داچيكتەرىن مىندەتتى تۇردە ورناتۋ ماسەلەسى قاراستىرىلعان، قالدىقتاردى قايتا وڭدەۋمەن جانە كادەگە جاراتۋمەن اينالىساتىن كاسىپورىندارعا ليسەنزيالاۋ ەنگىزىلىپ، قوقىس شىعاراتىن ۇيىمدار ءۇشىن حابارلاما جاساۋ ءتارتىبى بەلگىلەندى»، - دەدى مينيستر.