كەيبىر وبلىستاردا جىل سايىن وندىرىلەتىن مۇناي كولەمىنىڭ تومەندەۋى بايقالادى - ماعزۇم مىرزاعالييەۆ

بيىل «ۇلتتىق مينەرالدى رەسۋرستار بانكى» اقپاراتتىق جۇيەسى پايدالانۋعا بەرىلەدى.

مينيستر اتاپ وتكەندەي، جۇيە ينۆەستورلاردى تارتۋعا مۇمكىندىك بەرەدى، دەپ حابارلادى Almaty-akshamy.kz. ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ سايتىنا سىلتەمە جاساپ.

بۇل سالاداعى نەگىزگى ماسەلەلەردىڭ ءبىرى - قورلاردىڭ تومەن دەڭگەيدە تولىقتىرىلۋى بولىپ تابىلادى. بۇگىنگى كۇنى پايدالى قازبالار ءوسىمىنىڭ قاتتى پايدالى قازبالار بويىنشا ولاردى ءوندىرۋ كولەمىنە اراقاتىناسىنىڭ كوەففيسيەنتى ورتا ەسەپپەن - 0،13، ال كومىرسۋتەك شيكىزاتى بويىنشا - 0،9 قۇرايدى. سونىمەن قاتار قازاقستاندا كومىرسۋتەكتەر جانە قپق بويىنشا دا ۇلكەن پەرسپەكتيۆالار بار.

«مەملەكەت باسشىسىنىڭ تاپسىرماسىمەن ءبىز گەولوگيا سالاسىن دامىتۋدىڭ 2021-2025 جىلدارعا ارنالعان ۇلتتىق جوباسىن ازىرلەۋگە كىرىستىك. تولىق زەرتتەلمەگەن شوگىندى باسسەيندەردىڭ مۇناي-گاز الەۋەتىن انىقتاۋ جانە تاۋ-كەن اۋداندارى شەگىندەگى «تەرەڭ گوريزونتتاردى» زەرتتەۋ كوزدەلىپ وتىر. جوبانى ىسكە اسىرۋ اۋماقتى زەرتتەۋگە، پايدالى قازبالاردىڭ بولجامدى رەسۋرستارىن باعالاۋعا مۇمكىندىك بەرەدى. سونداي-اق گەولوگيالىق بارلاۋ جۇمىستارى كەزىندە حالىقتى جۇمىسپەن قامتۋعا، ينۆەستيسيالار تارتۋعا جانە تاۋ-كەن بايىتۋ كومبيناتتارىن سالۋ مەن پايدالانۋ كەزىندە جاڭا جۇمىس ورىندارىن قۇرۋعا مۇمكىندىك بەرەدى. بۇل ءوز كەزەگىندە ءوڭىردىڭ الەۋمەتتىك ماسەلەلەرىن شەشۋگە سەپتىگىن تيگىزەدى»، - دەدى ماعزۇم مىرزاعالييەۆ.

گەولوگيالىق اقپاراتتىڭ ەلەكتروندىق بازاسىنا قول جەتكىزۋ مەملەكەتتىك ورگاندار مەن جەر قويناۋىن پايدالانۋشىلاردىڭ ءوزارا قارىم-قاتىناسىن سيفرلىق فورماتقا كوشىرۋگە مۇمكىندىك بەرەدى. 2020 جىلى بارلاۋ/ءوندىرۋ، گەولوگيالىق اقپاراتتى ساتىپ الۋعا ليسەنزيالار بەرۋ سەكىلدى ءبىرقاتار بيزنەس-پروسەستەر ازىرلەندى، مەملەكەتتىك دەرەكتەر بازاسىمەن ينتەگراسيالار جۇرگىزىلدى.