ءىىم شەتەلدىك كولىكتەردى زاڭداستىرۋعا قاتىستى پىكىر ءبىلدىردى.
مينيسترلىكتىڭ مالىمەتىنشە، قازاقستاندا 300 مىڭنان اسا شەتەلدىك كولىكتى تىركەۋگە بولادى، دەپ حابارلايدى Almaty-akshamy.kz.
ءىىم پرەزيدەنت جولداۋىندا 1 قىركۇيەككە دەيىن شەتەلدىك كولىكتەردىڭ قازاقستانعا كىرۋىنىڭ جەڭىلدەتىلگەن تارتىبىنە رۇقسات بەرگەنىن ەسكە سالدى.
ۆەدومستۆو ازاماتتار باستاپقى تىركەۋ ءۇشىن 200-250 مىڭ تەڭگە كولەمىندە الىم تولەيتىنىن ايتتى.
ۇكىمەت وتىرىسىنىڭ اياسىندا جۋرناليستەر ىشكى ىستەر مينيسترىنەن جەڭىلدەتىلگەن تارتىپتە قانشا كولىك رەسىمدەلگەنىن ناقتىلادى.
«مۇنى جۇزەگە اسىرۋ ءۇشىن ءبىز زاڭنامانى ازىرلەپ، ەكى زاڭعا وزگەرىستەر ەنگىزۋىمىز كەرەك. بۇل سالىق جانە ەكولوگيالىق كودەكستەر. ارىپتەستەرىم زاڭ جوبالارىن دايىنداپ جاتىر. ولار دايىن بولعان كەزدە، ءبىز قۇقىقتىق اكتىنى قابىلدايمىز. 1 قىركۇيەكتەن باستاپ قازاقستانعا 300 مىڭنان اسا شەتەلدىك كولىك كەلدى. زاڭ قابىلدانعاننان كەيىن ءبىز جۇمىسقا كىرىسەمىز»، - دەدى مينيستر.
سونداي-اق، ءىىم باسشىسى ءتيىستى زاڭ جوباسى قاشان قابىلداناتىنىن ايتتى.
«ءبىز زاڭ جوباسىن ازىرلەمەيمىز، مۇنى مەنىڭ ارىپتەستەرىم جاسايدى. سالىق جانە ەكولوگيالىق كودەكستەرگە ءتيىستى وزگەرىستەردى قۇزىرەتتى مينيسترلىكتەر دايىندايدى. پرەزيدەنت 2023 جىلدىڭ 1 قاڭتارىنا دەيىن قابىلداۋدى تاپسىرعان بولاتىن. زاڭ قابىلدانعاننان كەيىن ءبىز كولىك قۇرالدارىن زاڭداستىرۋ بويىنشا ءتيىستى ەرەجەلەر دايىندايمىز»، - دەپ ءتۇسىندىردى مينيستر.