تۇزەتۋلەر دەپۋتاتتاردىڭ قاراۋىنا جىبەرىلگەن.
ورتالىق كوممۋنيكاسيالار قىزمەتىندە وتكەن بريفينگتە ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ جول قوزعالىسى ەرەجەلەرىن بۇزعانى ءۇشىن اۆتوكولىك جۇرگىزۋشىلەرىن دە، جاياۋ جۇرگىنشىلەردى دە قاتاڭداتۋ شارالارى تۋرالى ايتتى، دەپ حابارلايدى Almaty-akshamy.kz.
ق ر ىشكى ىستەر مينيسترلىگىنىڭ وكىلى قاتاڭداتۋ بولىگىندە بيىل عانا اكىمشىلىك كودەكستىڭ سەگىز بابىنا وزگەرىستەر ەنگىزىلگەنىن ايتتى.
«باپتاردى قاتايتتىق. بۇل، ەڭ الدىمەن، جالعان نومىرمەن، ءنومىرسىز كولىك جۇرگىزۋگە، سونداي-اق جازاتايىم وقيعالارعا اكەلەتىن جاعدايلارعا ارنالعان. الداعى ۋاقىتتا، ماسەلەن، جۇرگىزۋشى ءبىر جىل ىشىندە جول ەرەجەسىن بەس رەتتەن ارتىق بۇزسا، 50 پايىزدىق جەڭىلدىكتەن الىپ تاستايمىن. سەبەبى ول ەرەجەنى اي سايىن بۇزادى، ال ءبىز وعان ايىپپۇل سالامىز، بۇل ونى تارتىپكە سالمايدى، كەرىسىنشە، جول ەرەجەسىن بۇزۋدى جالعاستىرادى»، - دەدى جاندوس مۇراتالييەۆ.
جول قوزعالىسى ەرەجەسىن بۇزعان جاياۋ جۇرگىنشىلەرگە دە وسىنداي شارا قولدانۋ ۇسىنىلىپ وتىر. ونىڭ ايتۋىنشا، قازىرگى تاڭدا استانا، الماتى سياقتى بارلىق قالالاردا، وبلىستاردا جاياۋ جۇرگىنشىلەردىڭ كوشەدەن وتۋىنە بارلىق جاعداي جاسالعان. دەگەنمەن، 50 مەتر جەردە جەر ءۇستى نەمەسە جەر استى وتكەلى بولسا دا، جولدى دۇرىس ەمەس جەردەن كەسىپ وتەتىن جاياۋ جۇرگىنشىلەر ءالى دە بار.
«بۇل جاعدايدا 2 اەك كولەمىندە ايىپپۇل سالۋىمىز مۇمكىن. جۇرگىزۋشىلەرگە قاتىستى دا شارا قولداناتىن شىعارمىز – ەگەر جاياۋ جۇرگىنشى جولدى بەلگىلەنبەگەن جەردەن ءبىرىنشى رەت كەسىپ وتسە، وعان ەسكەرتىلەدى، ەكىنشى جاعدايدا وعان اكىمشىلىك ايىپپۇل سالىنادى، ءۇشىنشى جاعدايدا ايىپپۇل تولەۋگە 50% جەڭىلدىك بەرمەيتىن شارالار قولدانىلادى»، - دەدى جاندوس مۇراتالييەۆ.
مۇراتالييەۆ ءقازىر ءتيىستى تۇزەتۋلەر ق ر پارلامەنتى دەپۋتاتتارىنىڭ قاراۋىنا جىبەرىلگەنىن ءتۇسىندىردى. ونىڭ پىكىرىنشە، جولدارداعى ءتارتىپتى تەك اكىمشىلىك شارالار عانا قالپىنا كەلتىرە الادى.
سونىمەن قاتار، كوميتەت باسشىسىنىڭ ورىنباسارى ءقازىر ساۋدا مينيسترلىگى سكۋتەرلەر ءۇشىن ازىرلەگەن ستاندارت نەگىزىندە «جول قوزعالىسى تۋرالى» زاڭعا جانە جول قوزعالىسى ەرەجەلەرىنە وزگەرىستەر ەنگىزىلىپ جاتقانىن قوستى.
وسىدان كەيىن سكۋتەرلەرگە دە اكىمشىلىك شارا قولدانىلادى. ازىرگە ولار «كولىك جۇرگىزۋشىسى» رەتىندە ەمەس، «باسقا جول قوزعالىسىنا قاتىسۋشىلار» رەتىندە عانا جازالانادى.