بۇگىن، 12 مامىر – الەمنىڭ 141 ەلىندە اتاپ وتىلەتىن حالىقارالىق مەيىرگەرلەر كۇنى. بۇل كۇن – مەديسينا سالاسىنداعى ورتا بۋىن قىزمەتكەرلەرىنىڭ ماڭىزىن تانىتاتىن كاسىبي مەرەكە. بۇل داتاعا قاتىستى قانداي قىزىقتى دەرەكتەر بار؟ اqshamnews.kz ءتىلشىسى تارقاتادى.
ساندار سويلەسىن
ەلىمىزدە 190 000-نان استام ورتا بۋىن مەديسينا قىزمەتكەرى بار. ونىڭ ىشىندە 146 000-نان استامى – مەيىرگەرلەر. اۋىلدىق جەرلەردە 55 000 مەيىرگەر جۇمىس ىستەيدى. بۇل تۋرالى دەنساۋلىق ساقتاۋ مينيسترلىگىنىڭ باسپا ءسوز قىزمەتى مالىمدەدى.
"مەيىرگەرلەردىڭ ءرولى ارتىپ كەلەدى"
قىزمەت اياسىن كەڭەيتۋ ناتيجەسىندە ءقازىر مەيىرگەرلىك قىزمەت كوماندالىق مەديسينالىق كومەكتىڭ نەگىزگى بولىگىنە اينالدى. كەڭەيتىلگەن پراكتيكا مەيىرگەرلەرى ناۋقاستاردى باستاپقى قابىلداپ، قۇجات جۇرگىزىپ، رەسەپت جازىپ، سۇرىپتاۋ مەن تىركەۋ جۇمىستارىن ورىندايدى. سوزىلمالى اۋرۋلاردى باسقارۋ، ۆاكسيناسيا، سكرينينگ، پروفيلاكتيكامەن دە اينالىسادى.
سونداي-اق، ەلىمىزدە مەيىرگەرلەردى دايىندايتىن وقۋ ورىندارىنىڭ سانى دا ۇلعايىپ كەلەدى.
"قازاقستاندا مەيىرگەرلەردى 94 مەديسينالىق كوللەدج دايارلايدى، ونىڭ ىشىندە 22ء-سى – مەملەكەتتىك، 72ء-سى – جەكەمەنشىك. ولاردىڭ 39-ى – جوعارى مەديسينالىق كوللەدج مارتەبەسىنە يە. جىل سايىن ەلىمىزدە 23 000-نان استام جالپى بەيىندى مامان دايارلانادى، ال سوڭعى التى جىلدىڭ ىشىندە قولدانبالى باكالاۆريات ديپلومى بار 20 000-نان استام مەيىرگەر دەنساۋلىق ساقتاۋ مەكەمەلەرىنە جۇمىسقا ورنالاستىرىلدى" دەلىنگەن حابارلامادا.
ايتا كەتەيىك، حالىقارالىق مەيىرگەرلەر كۇنى ءار جىلى 12 مامىردا اتاپ وتىلەدى. بۇل كۇننىڭ تاڭدالۋى فلورەنس نايتينگەيلدىڭ تۋعان كۇنىمەن (1820 جىلعى 12 مامىر) بايلانىستى. ول زاماناۋي مەيىرگەرلىك ءىستىڭ نەگىزىن قالاۋشى بولىپ سانالادى. بۇل كاسىبي مەرەكە 1965 جىلدان باستاپ رەسمي تۇردە اتاپ وتىلە باستادى، ال ونى العاش رەت ۇيىمداستىرعان — حالىقارالىق مەيىرگەرلەر كەڭەسى (ICN – International Council of Nurses).