ق ر ونەركاسىپ جانە قۇرىلىس مينيسترلىگى ونەركاسىپ كوميتەتىنىڭ ءتوراعاسى ازامات پانبايەۆ قازاقستانداعى بولجامدى كومىر قورى 33،6 ملرد توننانى قۇرايتىنىنىن مالىمدەدى، دەپ حابارلايدى Almaty-akshamy.kz
ازامات پانبايەۆ "كازسودەرجانيە 2.0" حالىقارالىق فورۋمى اياسىنداعى كومىر ونەركاسىبىنىڭ وزەكتى ماسەلەلەرىنە ارنالعان سەسسيادا سويلەگەن سوزىندە اتالعان سالا ەلەكتر ەنەرگياسىنىڭ 70%-ىن، كوكس ءوندىرۋ قۋاتىن جانە تۇرمىستىق سەكتور مەن حالىقتىڭ وتىنعا قاجەتتىلىگىن تولىق قاناعاتتاندىرىپ وتىرعانىن جەتكىزدى.
ونىڭ ايتۋىنشا، 2023 جىلدىڭ قاڭتار-قازان ايلارىندا 91،3 ملن تونناعا جۋىق كومىر وندىرىلگەن.
پانبايەۆ جاڭا جوبالاردى جۇزەگە اسىرۋدا كومىردى پايدالانۋ مۇمكىندىكتەرى كەڭەيىپ كەلە جاتقانىن اتاپ ءوتىپ، جاڭا زاۋىتتارعا سالىنعان ينۆەستيسيانىڭ مىسالدارىن كەلتىردى، مىسالى، قۋاتتىلىعى جىلىنا 400 مىڭ توننا ارنايى كوكس شىعاراتىن زاۋىتتى "شۇباركول كومىر" كومپانياسىمەن ىسكە قوسۋ جانە "بوگاتىر كومىر" ج ش س سيكلدىك اعىندى كومىر تاسىمالداۋ تەحنولوگياسىن ەنگىزۋ بويىنشا بىرەگەي جوبا بارىن ايتتى.