ماڭعىستاۋ وبلىسى تاماققا كوپ اقشا جۇمسايدى ەكەن

قازاقستاندا ازىق-تۇلىككە جۇمسالاتىن شىعىن 14 پايىزعا ءوستى، دەپ حابارلايدى stat.gov.kz

2023 جىلدىڭ ەكىنشى توقسانىندا ازىق-تۇلىك پەن سۋسىندارعا جۇمساعان شىعىن 13،9% ءوسىپ، 421،1 مىڭ تەڭگەنى قۇرادى.

ازىق-تۇلىك تاۋارلارىنىڭ بارلىق شىعىنداعى ۇلەسى 92%، جالپى تۇتىنۋ شىعىندارىنان 52% قۇرادى.

سالىستىرۋ ءۇشىن: 2022 جىلدىڭ سايكەس كەزەڭىندە ازىق-تۇلىك پەن الكوگولسىز سۋسىندارعا جۇمسالعان اقشا 369،8 مىڭ تەڭگەنى قۇرادى، بۇل ءبىر جىل بۇرىنعى كورسەتكىشتەن 9،6% ارتىق.

وڭىرلەر بويىنشا ازىق-تۇلىك پەن الكوگولسىز سۋسىندارعا ەڭ كوپ شىعىن تۇركىستان وبلىسىنىڭ تۇرعىندارى اراسىندا تىركەلدى: توقسانىنا 557،5 مىڭ تەڭگە – ءبىر جىل بۇرىنعىدان 13،9% ارتىق.

تاماققا كوپ اقشا جۇمسايتىن وڭىرلەر: ماڭعىستاۋ وبلىسى - 551،6 مىڭ تەڭگە، اتىراۋ وبلىسى - 512،4 مىڭ تەڭگە، ۇلىتاۋ وبلىسى 502،5 مىڭ تەڭگە جانە الماتى وبلىسى 484،3 مىڭ تەڭگە.

ازىق-تۇلىك پەن الكوگولسىز سۋسىندارعا شىعىنداردىڭ جىل سايىنعى ەڭ ۇلكەن ءوسىمى ۇلىتاۋ وبلىسىندا، ەڭ ازى - پاۆلودار وبلىسىندا بايقالدى.

تۇرعىنداردىڭ ازىق-تۇلىك جانە الكوگولسىز سۋسىندارعا جۇمساعان شىعىندارىنىڭ قۇرىلىمىندا ەڭ كوپ ۇلەستى 33،4% ەت جانە ەت ونىمدەرى الىپ وتىر: رەسپۋبليكا بويىنشا ورتاشا كورسەتكىش - 140،6 مىڭ تەڭگە. بۇل وتكەن جىلمەن سالىستىرعاندا 14،7% ارتىق.

ەكىنشى قاتاردا نان ونىمدەرى مەن جارما ونىمدەرى تۇر: 64،5 مىڭ تەڭگە. “ۇشتىكتى” ءسۇت ونىمدەرى جاپتى - قازاقستاندىقتار ولارعا 44،7 مىڭ تەڭگە جۇمسادى، بۇل 2022 جىلدىڭ ەكىنشى توقسانىمەن سالىستىرعاندا 21،4% كوپ.

ەل تۇرعىندارى جەمىس-جيدەكتەرگە 35،1 مىڭ تەڭگە، كوكونىس ساتىپ الۋعا 34،3 مىڭ تەڭگە، قانت، كونديتەرلىك ونىمدەر مەن تاتتىلەرگە 28،1 مىڭ تەڭگە، مايعا 22،7 مىڭ تەڭگە، الكوگولسىز سۋسىندار مەن بالىق،تەڭىز ونىمدەرىنە 17،6 مىڭ تەڭگە، جۇمىرتقاعا - 9،1 مىڭ تەڭگە جۇمسادى.